Foto: Pexels.com
Qazaqstan Ulttyq Banki tsifrlyq keńistikte balalar men jasóspirimderge baǵyttalǵan internet-alaiaqtyq jaǵdailary artyp kele jatqanyn málimdedi, dep habarlaidy Ult.kz.
Osyǵan bailanysty ata-analar men pedagogterge balalardyń kiberqaýipsizdigin qamtamasyz etý boiynsha sharalardy kúsheitýge shaqyrdy.
Alaiaqtar áleýmettik injeneriia ádisterin qoldanyp, ózin tanys adam, memlekettik organ nemese uiym ókili retinde kórsetip, jeke jáne qarjylyq aqparatty ielenýge tyrysady. Eń jii qoldanylatyn tásilder — fishing pen spýfing, iaǵni jalǵan saittar men qosymshalar arqyly qupiia derekterdi urlaý.
Sonymen qatar, internette paida tabý, ziiandy kontent taratý nemese derekter urlaý maqsatyndaǵy "virtýaldy tanystar" arqyly da qaýip tónedi.
Ulttyq Bank ata-analar men muǵalimderge tómendegi sharalardy ustanýǵa keńes beredi:
-
Balalarǵa kibergigiena men internetti qaýipsiz paidalaný erejelerin úiretý;
-
Mobildi qurylǵylarǵa ata-ana baqylaýy, antivirýs, qaýipsiz sholý rejimin ornatý;
-
Onlain saýda men qarjylyq áreketterdi baqylaý;
-
Senimdi qupiiasóz ornatý jáne qos faktorly aýtentifikatsiiany qosý.
Balalarǵa beitanys adamdarmen hat jazysýǵa, jeke málimetterdi bólisýge, ata-ananyń kelisiminsiz onlain-saýda jasaýǵa bolmaityny túsindirgen jón. Tek resmi saittar men qosymshalardy paidalanýǵa úiretý — qaýiptiń aldyn alýdyń basty joly.
Ulttyq Bank balalardyń tsifrlyq qaýipsizdigi — tek ata-ananyń emes, pedagogter men balalardyń ortaq jaýapkershiligi ekenin eske salady.
Eske sala keteiik, Qazaqstanda óziniń bank kartasyn, shotyn nemese derbes derekterin úshinshi tulǵalarǵa paidalanýǵa bergender jaýapkershilikke tartylady.
