BJZQ-nyń zeinetaqy aktivteri boiynsha investitsiialyq kiris 2016 jyly 531 milliard teńge bolǵany belgili boldy. Bul týraly QR Ulttyq banki tóraǵasynyń orynbasary Ǵalymjan Pirmatov aitty, - dep habarlaidy "Ult aqparat" kaz.tengrinews.kz portalyna silteme jasap.
2016 jyldyń qorytyndysy boiynsha zeinetaqy aktivteri boiynsha investitsiialyq kiris 531 milliar teńgege jetken. Ótken jyl boiy BJZQ-nyń zeinetaqy aktivteri boiynsha ortasha alynǵan ai saiynǵy kiris 44,3 milliard teńge deńgeiinde bolǵan.
Sondai-aq, QR Ulttyq banki tóraǵasynyń orynbasary 2016 jylǵy 12 aida zeinetaqy aktivteriniń 848,7 milliard teńgege, iaǵni, 6,7 trillion teńgege deiin ulǵaiǵanyn atap ótti,
Ǵalymjan Pirmatovtyń aitýynsha, 2017 jylǵy 1 qańtardaǵy jaǵdai boiynsha "BJZQ" AQ salymshylarynyń zeinetaqy jinaqtary 6 685,3 milliard teńge boldy. "BJZQ" AQ qurylǵan sátten bastap saqtandyrý uiymdaryna aýdarymdardy qosa alǵanda, salymshylarǵa tólengen zeinetaqy tólemderiniń kólemi 410,6 milliard teńge boldy.
Sonymen qatar, Ǵalymjan Pirmatov investitsiialyq kiristi esepteý kún saiyn júzege asyrylatynyn habarlady. Onyń shamasy mynadai qarjy quraldary - obligatsiialardan, depozitterden jáne aktsiialardan turatyn investitsiialyq portfeldiń qurylymyna bailanysty bolady. Sondai-aq, táýekelderdi tómendetý maqsatynda zeinetaqy aktivteriniń bir bóligi shetel valiýtasynda shyǵarylǵan baǵaly qaǵazdarǵa investitsiialanǵan.
QR Ulttyq Banki Tóraǵasynyń orynbasary "Qazaqstan Respýblikasynda zeinetaqymen qamsyzdandyrý týraly" Qazaqstan Respýblikasy Zańynda salymshy zeinetaqy tólemderine quqyqty ielengen kezde infliatsiianyń deńgeiin esepke ala otyryp, naqty engizilgen zeinetaqy jarnalarynyń (mindetti, mindetti kásiptik) saqtalýy boiynsha memlekettik kepildik kózdelgenin de eske saldy.
Sonymen qatar, jaqynda BJZQ-nyń milliardtaǵan shyǵynǵa ushyraǵanyn moiyndaǵany habarlanǵan bolatyn. KTK telearnasynyń málimetinshe, Biryńǵai jinaqtaýshy zeinetaqy qory 9 milliard teńge shyǵynǵa ushyraǵan. Qordaǵylar muny ádettegidei teńgeniń qunsyzdanýymen túsindirgen.
Eske salaiyq, 2016 jyldyń 21 jeltoqsanynan bastap QR Ulttyq bankiniń qatysýymen "Biryńǵai jinaqtaýshy zeinetaqy qory" Aktsionerlik qoǵamynyń qyzmetine tekseris júrgizilgen bolatyn. Sol kezde tekseristiń BJZQ aktsionerlik qoǵamynyń menshikti aktivterdi investitsiialaýǵa qatysty jasalǵan operatsiialary boiynsha júzege asyrylyp jatqany aitylǵan edi. "BJZQ" AQ-tyń menshikti aktivteri onyń kapitaly jáne sharýashylyq qyzmetiniń nátijeleri esebinen qalyptastyrylady eken. "BJZQ" AQ menshikti aktivterdi derbes basqarady", - degen edi banktegiler.
Al 9 qańtarda BJZQ basshylyǵy qamaýǵa alynǵan bolatyn."Olar Jańa jyldyń aldynda qamaýǵa alynǵan. Aty-jónderin bilmeimin, biz olardy atamadyq. Jetekshi men orynbasarlarynyń biri qamaýǵa alynǵan", - degen edi QR Ulttyq bankiniń qarjy qyzmetteri tutynýshylarynyń quqyǵyn qorǵaý departamentiniń direktory Aleksandr Terentev.
Sondai-aq, keiinirek BJZQ isi boiynsha qamaýǵa alynǵandardyń tizimi jariialanǵan bolatyn.
