Qazaqstan Ulttyq banki bazalyq mólsherlemeni +/- 2 p.t. paiyzdyq dálizben jyldyq 9,5% deńgeiinde saqtaý týraly sheshim qabyldady, -dep habarlaidy Banktiń baspasóz qyzmeti.
2020 jylǵy sáýirde Qazaqstandaǵy ahýal syrtqy ekonomikalyq jaǵdailardyń nasharlaýy yqpal etýde. Koronavirýstyń taralýy aiasynda karantin sharalary uzartyldy. Álemniń iri ekonomikalary iskerlik belsendiliktiń tómendeýine ushyraýda, bul álemdik saýdanyń, óndiristiń, kórsetiletin qyzmetter salalarynyń kórsetkishterine yqpal etedi.
Munai naryǵyndaǵy ahýal suranys pen usynystyń saqtalyp otyrǵan teńgerimsizdigi aiasynda turaqsyz bolyp qalýda. 2020 jylǵy naýryzda Qazaqstan Respýblikasynda infliatsiialyq táýekelder iske asyryla bastady.
Bazalyq mólsherleme boiynsha Qazaqstan Respýblikasy Ulttyq bankiniń kezekti josparly sheshimi 2020 jylǵy 8 maýsymda Nur-Sultan qalasynyń ýaqytymen saǵat 15:00-de jariialanady.
Eske salsaq, Qazaqstan Respýblikasynyń Ulttyq banki bazalyq mólsherlemeniń deńgeiin jyldyq 9,5%-ǵa deiin tómendetý jáne paiyzdyq dálizdi +/- 2 paiyzdyq tarmaqqa deiin keńeitý týraly kezekten tys sheshim qabyldaǵan edi.
