Ulttyq bank bazalyq mólsherlemeni 16,75 paiyzǵa deiin kóterdi, - dep habarlaidy "Ult aqparat" vedomstvonyń baspasóz qyzmetine silteme jasap.
"Ulttyq bank bazalyq mólsherlemeni +/– 1 p.t. dálizimen jyldyq 16,75%-ǵa deiin kóterý týraly sheshim qabyldady. Bul sheshim boljamdar men naqty derekterdiń taldaýyna negizdeldi. Oǵan geosaiasi jaǵdaidyń belgisizdigi men saldary, sondai-aq álemde azyq-túliktiń joǵary baǵalary saqtalyp otyrǵan syrtqy ortanyń faktorlary negiz boldy. Ishki ekonomika tarapynan infliatsiialyq kútýdiń barynsha tarihi joǵary deńgeide bolýy, suranys pen usynystyń teńgerimdi bolmaýy, sondai-aq importtyń jedel ósýi kezinde saýdanyń qaita qurylýy baiqalady.
Ulttyq Bank bazalyq mólsherlemeni kóterý tsiklin aiaqtaýǵa jaqyndady. Onyń qazirgi deńgeii jetkilikti joǵary dep baǵalanady. Bazalyq mólsherlemeni uzaq ýaqyt boiy búgingidei mánderde saqtaý infliatsiiany turaqtandyrýǵa jáne ony orta merzimdi perspektivada birtindep tómendetýge múmkindik beredi. Jańa proinfliatsiialyq kútpegen ózgerister bolmaǵan jaǵdaida aqsha-kredit saiasatyn odan ári kúsheitý yqtimaldyǵy tómen dep baǵalanady", - delingen habarlamada.
Ulttyq banktiń Aqsha-nesie saiasaty komitetiniń bazalyq mólsherleme boiynsha kezekti josparly sheshimi 2023 jylǵy 13 qańtarda Astana ýaqytymen saǵat 14:00-de jariialanady.
