Qazaqstan Ulttyq banki bazalyq mólsherlemeni 9 paiyz deńgeiinde saqtaý týraly sheshim qabyldady, dep habarlaidy QazAqparat.
«QR Ulttyq Banki bazalyq mólsherlemeni +/- 1 p.t. paiyzdyq mólsherleme dálizimen 9% deńgeiinde saqtaý týraly sheshim qabyldady», - dedi UB basshysy Erbolat Dosaev.
Ol damyp jatqan syrtqy jáne ishki táýekelderdi eskere otyryp, bazalyq mólsherleme boiynsha aldyńǵy sheshimmen salystyrǵanda táýekelder teńgerimi mólsherleme damýynyń neǵurlym joǵary baǵytyna qarai aýysatynyn atap ótti.
«Biz syrtqy sektordaǵy jáne ishki ekonomikadaǵy jaǵdaidy muqiiat baqylap, men osydan buryn toqtalyp ótken negizgi faktorlardyń yqtimal serpininiń stsenariilik nusqalarynyń Qazaqstanǵa áserine baǵa beremiz. Talaptar jaǵymsyz baǵytta ózgergen jaǵdaida, bizde Ulttyq banktiń aldyna qoiǵan maqsattarǵa qol jetkizýi úshin qajetti barlyq quraldar bar», - dep habarlady jýrnalisterge E. Dosaev.
UB basshysy ishki jáne syrtqy sipattaǵy birqatar faktorlar bazalyq mólsherlemeni saqtaý týraly sheshimge sebep bolǵandyǵyn atap ótti.
«Bizdiń baǵalaýymyz boiynsha, ishki jáne syrtqy sektorda damyp otyrǵan negizgi úrdister 4-6% belgilengen nysanaly dálizge sáikes 2019 jáne 2020 jyldar sońyna qarai infliatsiia baǵytyn qalyptastyrady», - dep túsindirdi E. Dosaev.
Ol qysqa merzimdi kezeńde, iaǵni aǵymdaǵy jyldyń sońyna deiin, munaiǵa usynyspen salystyrǵanda oǵan degen barynsha joǵary suranystyń saqtalýy kútiletindigin, bul álemdik baǵalarǵa qoldaýdy qamtamasyz etetindigin qosa aitty.
«Boljaý jasaý aiasynda jáne aqsha-kredit saiasaty boiynsha sheshim qabyldaǵan kezde bazalyq stsenarii retinde bizde bir barrel úshin 60 AQSh dollary deńgeii paidalanylady. Respýblikalyq biýdjet teńdestirilgen, sebebi munaidyń bir barreli úshin 55 AQSh dollaryna teń ortasha jyldyq baǵa boiynsha esepteldi», - dedi E. Dosaev.
QR Ulttyq bankiniń baǵalaýyna qaraǵanda, 2019-2020 jyldar qorytyndysy boiynsha biyl negizgi otandyq munai ken oryndarynda óndirýdiń josparly ýaqytsha tómendeýi jáne tiisinshe munai men gaz eksporty kóleminiń azaiýy saldarynan, 2018 jylmen salystyrǵanda naqty IJÓ-niń ósý qarqynynyń shamaly baiaýlaýy yqtimal. Bul rette «Saryarqa» gaz qubyry, ÚAAAJ qurylysy, sondai-aq TShO-ny keńeitý siiaqty iri infraqurylymdyq jobalardy iske asyrýdyń bastalýy qoldaý kórsetedi.
Bazalyq mólsherleme boiynsha kezekti sheshim 2019 jylǵy 15 shildede jariialanatyn bolady.
