Qazaqstan Ulttyq banki bazalyq mólsherlemeni jyldyq 9% deńgeiinde saqtaý týraly sheshim qabyldady, dep habarlaidy "Ult aqparat" Banktiń baspasóz qyzmetine silteme jasap.
Tiisinshe, ótimdilikti usyný boiynsha turaqty qol jetkizý operatsiialary boiynsha mólsherleme 10,0% jáne ótimdilikti alý boiynsha turaqty qol jetkizý operatsiialary boiynsha mólsherleme 8,0% bolady.
«Sheshim infliatsiiany orta merzimdi kezeńde 4-6%-dyq nysanaly dálizge qaitarý maqsatynda qabyldanyp, táýekelder teńgeriminiń proinfliatsiialyq faktorlar jaǵyna qarai yǵysýymen negizdeldi. Syrtqy jáne ishki infliatsiialyq qysym ulǵaidy, azyq-túlik baǵasynyń odan ári kóterilý táýekeli artty, infliatsiialyq kútýlerdiń joǵarylaýy baiqalady. Sonymen qatar elde jáne álemde koronavirýstyq infektsiiaǵa bailanysty belgisizdik saqtalýda», – dep habarlady bankten.
Jyldyq infliatsiia 2020 jyldyń qorytyndysy boiynsha Ulttyq banktiń boljamyna sáikes qalyptasyp, 7,5% boldy.
Qazaqstan ekonomikasy 2020 jyly 2,6%-ǵa qysqardy, bul Ulttyq banktiń boljamdaryna sáikes keledi. IJÓ-niń qysqarýyna taý-ken óndirisi, saýda jáne kóliktiń tómendeýi teris áserin tigizdi. Taý-ken ónerkásibindegi quldyraý munai men gaz kondensatyn óndirý kóleminiń tómendeýine bailanysty. Kóliktiń qysqarýyna júk ainalymy men jolaýshylar ainalymy kóleminiń tómendeýi yqpal etti. Saýdanyń teris serpini karantindik shekteýlerdiń saqtalýyna jáne tómen suranysqa bailanysty boldy. Sonymen qatar, IJÓ serpinine óńdeý ónerkásibi, aýyl sharýashylyǵy, qurylys, aqparat jáne bailanys, sondai-aq memlekettik sektor oń úles qosty», - dep atap ótti Ulttyq bank.
