Qazaqstan Respýblikasynyń Ulttyq banki syrtqy sektor tarapynan táýekelderge teris yqpal etý aiasynda baǵa turaqtylyǵyn qoldaý qajettiligine negizdelgen bazalyq mólsherlemeniń deńgeii boiynsha kezekten tys sheshim qabyldady, dep habarlaidy "Ult aqparat".
UB málimetinshe, búgin, 10 naýryzdan bastap, bazalyq mólsherleme paiyzdyq dálizdi +/- 1,5 paiyzdyq tarmaqqa deiin keńeitilip, jyldyq 12 paiyz deńgeiinde belgilenedi. Tiisinshe, ótimdilikti usyný boiynsha turaqty qoljetkizý operatsiialary boiynsha mólsherleme 13,5 jáne ótimdilikti alý boiynsha turaqty qoljetkizý operatsiialary boiynsha 10,5 paiyz bolady.
«Bazalyq mólsherlemeni arttyrý týraly sheshim álemdik ekonomikadaǵy ahýaldyń kúrt ózgerýine qarai qabyldandy. COVID-19 koronovirýsynyń taralý aýqymynyń aitarlyqtai keńeiýi qazaqstandyq eksportty negizgi tutynýshy Qytai jáne Eýropalyq odaq siiaqty elderdiń ekonomikalyq damý perspektivalarynyń nasharlaýyndaǵy negizgi faktorǵa ainaldy. Brent surypty munai baǵasy 2020 jylǵy 9 naýryzda OPEK+ otyrysyna qatysýshylardyń munai óndirýdi qysqartý boiynsha mámileniń talaptary týraly ýaǵdalastyqqa kele almaýy nátijesinde kúrt tómendedi. Onyń belgilengen baǵasy bir kúnde 30 paiyzdan asa barynsha kóp tómendep, bir barrel úshin 31-36,5 AQSh dollary deńgeiinde boldy», - dep atap ótedi Ulttyq bankten.
Bazalyq mólsherleme boiynsha Qazaqstan Respýblikasy Ulttyq bankiniń kezekti sheshimi 2020 jylǵy 16 naýryzda Nur-Sultan qalasynyń ýaqytymen saǵat 15:00-de jariialanady.
