Foto :inbusiness.kz
Ulttyq bank bazalyq mólsherlemege qatysty sheshim qabyldady, dep habarlaidy Ult.kz.
Qazaqstan Ulttyq banki aqsha-kredit saiasaty komitetiniń sheshimimen bazalyq mólsherleme 15,25% deńgeiinde saqtalady dep sheshim shyǵardy.
Bank bul sheshimniń negizgi sebepterin de túsindirdi. 2024 jylǵy jeltoqsanda infliatsiia 8,6%-ǵa deiin kúsheidi, biraq ol boljanǵan 8-9% aralyǵynda qaldy.
Mamandardyń aitýynsha, infliatsiiaǵa eń kóp áser etken faktorlar – qyzmet kórsetý salasyndaǵy baǵanyń kúrt ósýi jáne tamyzdan bastap azyq-túlikke jatpaityn taýarlar qunynyń jedeldeýi. Sonymen qatar, "tarifti investitsiiaǵa aiyrbastaý" baǵdarlamasynyń engizilýi men teńgeniń álsireýi de infliatsiiany kúsheitken.
"Qyzmetter baǵasynyń joǵary ósýi jáne tamyzdan bastap baiqalyp otyrǵan azyq-túlikke jatpaityn taýarlar infliatsiiasynyń jedeldeýi onyń dinamikasyna kóptep úles qosty. "Tarifti investitsiiaǵa aiyrbastaý" baǵdarlamasyn iske asyrý men teńgeniń álsireýi aiasynda infliatsiia kúsh alyp tur", - deidi bankirler.
Syrtqy faktorlar da mańyzdy ról atqardy. Álemdik naryqtaǵy azyq-túlik baǵasy joǵary deńgeide saqtalyp otyr, al kórshiles Reseidegi infliatsiianyń ósýi Qazaqstan ekonomikasyna áser etýde.
Ulttyq banktiń bazalyq mólsherlemege qatysty kelesi josparly sheshimi 2025 jyldyń 7 naýryzynda, Astana ýaqytymen saǵat 12:00-de jariialanbaq.
