Qazaqstan Respýblikasynyń Ulttyq Banki geosaiasi jaǵdaidyń aitarlyqtai nasharlaýy kezinde syrtqy sektor tarapynan táýekelderdiń iske asyrylýyna bailanysty qarastyrylǵan baǵa turaqtylyǵyn qoldaý qajettigine negizdelgen bazalyq mólsherleme deńgeii jóninde kezekten tys sheshim qabyldady, dep habarlaidy vedomstvonyń baspasóz qyzmeti.
2022 jylǵy 24 aqpannan bastap bazalyq mólsherleme +/- 1 p.t. paiyzdyq dálizimen jyldyq 13,5% deńgeiinde belgilendi. Tiisinshe, ótimdilikti usyný jónindegi turaqty qoljetimdi operatsiialar boiynsha mólsherleme 14,5% jáne ótimdilikti alý jónindegi turaqty qoljetimdi operatsiialar boiynsha mólsherleme 12,5% bolady.
Qazaqstan Respýblikasy Ulttyq Bankiniń infliatsiialyq targetteý sheńberinde júrgiziletin aqsha-kredit saiasaty el ekonomikasyna syrtqy kútpegen ózgerister saldarynyń taralýynyń aldyn alýǵa, makroekonomikalyq turaqtylyqty qamtamasyz etýge jáne teńgedegi aktivterdi qorǵaýǵa baǵyttalǵan. Ekinshi deńgeidegi bankter aqsha-kredit saiasaty quraldarynyń sheńberinde qajetti ótimdilikpen qamtamasyz etilýde.
Qazaqstan Respýblikasynyń Ulttyq Banki qarjy júiesiniń turaqtylyǵyn qamtamasyz etý úshin shamadan tys qubylmalylyq oryn alǵan kezde valiýtalyq interventsiialar júrgizý quqyǵyn saqtai otyryp, teńgeniń erkin ózgermeli aiyrbastaý baǵamy rejimin ustanýyn jalǵastyrady. Mańyzdylyǵy syrtqy sektor tarapynan táýekelderdi iske asyrý aiasynda ósken teńgeniń ikemdi baǵamy altynvaliýta aktivteriniń saqtalýyn qamtamasyz etýge múmkindik beredi.
Qazaqstan Respýblikasynyń Ulttyq Banki 2022 jylǵy 24 aqpanda saǵat 13:00-degi jaǵdai boiynsha 104 mln AQSh dollary somasyna valiýtalyq interventsiia júrgizdi. Osy aptada valiýtalyq interventsiia 137 mln AQSh dollaryn qurady.
Qazaqstan Respýblikasynyń Úkimeti Qazaqstan Respýblikasynyń Ulttyq Bankimen birlesip iske asyratyn halyqtyń teńgedegi depozitterin qoldaý jónindegi sharalar týraly qosymsha habarlanatyn bolady.
Ulttyq Bank ishki aqsha jáne valiýta naryqtaryndaǵy jaǵdaiǵa, sondai-aq álemdik shikizat naryqtaryndaǵy ahýalǵa úzdiksiz monitoring júrgizedi jáne qajet bolǵan kezde qarjylyq turaqtylyqty qamtamasyz etý boiynsha qosymsha sharalar qabyldaidy.
Qazaqstan Respýblikasy Ulttyq Bankiniń bazalyq mólsherleme jónindegi kezekti sheshimi 2022 jylǵy 9 naýryzda Nur-Sultan qalasynyń ýaqyty boiynsha 15:00-de jariialanatyn bolady.
