Foto: QR Ulttyq banki
Ulttyq bank bazalyq mólsherlemeni +/– 1 p.t. dálizimen jyldyq 15,25 paiyzǵa deiin tómendetý týraly sheshim qabyldady, - dep habarlaidy "Ult aqparat" UB baspasóz qyzmetine silteme jasap.
"Qazaqstan Respýblikasy Ulttyq Bankiniń Aqsha-kredit saiasaty komiteti bazalyq mólsherlemeni +/– 1 p.t. dálizimen jyldyq 15,25 paiyzǵa deiin tómendetý týraly sheshim qabyldady", - delingen habarlamada.
Jyldyq infliatsiia 2023 jyldyń aiaǵyna qarai bir tańbaly mánge jetken.
"Ailyq infliatsiia jeltoqsanda ortasha jyldyq mánderden birshama joǵary boldy. Syrtqy infliatsiialyq protsester azyq-túliktiń álemdik baǵasynyń tómendeýi men ortalyq bankterdiń tejeý saiasatyna bailanysty qolaily qalyptasýda. Fiskaldyq yntalandyrýmen qamtamasyz etilgen ornyqty ishki suranys, sondai-aq joǵary jáne turaqsyz infliatsiialyq kútýler tarapynan ishki ekonomikada infliatsiialyq qysym saqtalyp otyr", - delingen UB habarlamasynda.
Bazalyq mólsherleme boiynsha budan keiingi sheshimder infliatsiianyń dinamikasyna jáne onyń boljamdy traektoriiasyna qanshalyqty sáikes keletinine bailanysty bolady.
"5 paiyzdyq infliatsiia boiynsha maqsatqa jetý úshin ustamdy qatań aqsha-kredit sharttaryn saqtaý qajet. Ulttyq Bank ekonomikadaǵy aqparattar legin qadaǵalap otyratyn bolady jáne kútpegen ózgerister bolmasa, bazalyq mólsherlemeni ózgertýdi toqtata turýdy joqqa shyǵarmai, ony kezeń-kezeńimen tómendetýdi jalǵastyrady. Sonymen birge mólsherlemeni tómendetý tsikli uzaq bolýy múmkin" - delingen habarlamada.
