QR Ulttyq bankiniń tóraǵasy Daniiar Aqyshev baspasóz maslihatynda tamyzdyń basynda teńgeniń álsireýine qatysty pikir bildirdi, dep habarlaidy "Ult aqparat" sputniknews.kz portalyna silteme jasap.
"Tamyzdyń basynda teńge devalvatsiiasy bolýy múmkin degen áleýmettik jeliler men BAQ-taǵy qaýesetter men jaǵymsyz jariialymdar áserinen teńge baǵamy joǵary aýytqýlyqty kórsetti. Is júzinde baǵamnyń aýytqýyn dáleldeitin irgeli ózgeris bolǵan joq", — dedi Daniiar Aqyshev.
Onyń sózine qaraǵanda, qazirgi ýaqytta valiýtalyq naryqta jaǵdai turaqtalǵan. Osylaisha, 22 tamyzǵa aiyrbas baǵamy bir AQSh dollary úshin 333,8 teńge mólsherinde qalyptasty.
Búgin Qazaqstan qor birjasynda tańǵy saýda bir dollar úshin 333 teńge mólsherinde jabyldy.
