QR Ulttyq Bank tóraǵasy Daniiar Aqyshev eki bankti biriktirý nieti týraly oiyn aitty, dep habarlady Ult.kz tilshisi QazAqparat agenttigine silteme jasap.
Ulttyq bank basshysy bank sektoryn shoǵyrlandyrý úderisi týraly jii aitylǵanyn atap ótti. «Bank sektoryndaǵy shyǵystar men shyǵyndardy ońtailandyrý - sharasyz úderis. Bank aktsionerleri qarjy institýttary institýttardy kapitaldandyrý boiynsha aldaǵy mindettemeler turǵysynan olardyń biznesiniń tabystylyǵyn qamtamasyz etýge qanshalyqty qabiletti ekenin baǵalaýy tiis, iaǵni osy bankterde bar mindettemeler boiynsha ýaqtyly eseptesýi tiis. Eldegi ekonomikalyq belsendilik baiaýlaǵan jaǵdaida, kóptegen qarjy institýttary úshin shoǵyrlandyrý úrdisi sheshimderdiń biri bolyp tabylady, sonda bir institýttyń kúshti jaqtaryn biriktirý esebinen basqa institýttyń álsiz jaqtary joiylyp, saý teńgerimdi qarjy institýty qalyptasýy múmkin», - dedi Aqyshev.
«Bankter birigý nieti týraly memorandýmǵa qol qoiǵanda, naryqta basqa bankter týraly áńgimeler júrip jatqanyn bilemin. Bul úderis jalǵasa beredi, bul úderis biznestiń ekonomikalyq baǵalaýyna negizdeledi. Biz retteýshi retinde elde turaqty qarjylyq júie qalyptasýyna múddelimiz».
Eger biriktirýdi durys dep boljasaq, naryqta oiynshylardy kooperatsiialaý nemese shoǵyrlandyrý qarjy júiesiniń ornyqtylyǵyn jaqsartýǵa alyp keledi, biz muny quptaimyz. Keshe eki bank nieti týraly aitty, bul jaǵdai bizde talqylandy - bank aktsionerleri Ulttyq bank basshylyǵymen kezdesti. Qai úlgi boiynsha alǵa jyljitynyn kórsetti. Olar qai jaqqa jyljý qajettigin túsinedi dep oilaimyn. Bul úrdis jalǵasa beredi», - dedi Ulttyq bank basshysy.
Budan buryn habarlanǵandai, «Tengri Bank» AQ «Capital Bank Kazakhstan» AQ-men birigý nietteri týraly memorandýmǵa qol qoidy. Sondai-aq Ulttyq bank Qazkommertsbank aktsiialarynyń baqylaý paketin satyp alý nieti týraly aitty. Budan basqa Tsesnabank «Bank TsentrKredit» bankimen qosylý múmkindigi talqylanyp jatqany belgili.
