قر ۇلتتىق بانك تٶراعاسى دانييار اقىشەۆ ەكٸ بانكتٸ بٸرٸكتٸرۋ نيەتٸ تۋرالى ويىن ايتتى, دەپ حابارلادى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
ۇلتتىق بانك باسشىسى بانك سەكتورىن شوعىرلاندىرۋ ٷدەرٸسٸ تۋرالى جيٸ ايتىلعانىن اتاپ ٶتتٸ. «بانك سەكتورىنداعى شىعىستار مەن شىعىنداردى وڭتايلاندىرۋ - شاراسىز ٷدەرٸس. بانك اكتسيونەرلەرٸ قارجى ينستيتۋتتارى ينستيتۋتتاردى كاپيتالداندىرۋ بويىنشا الداعى مٸندەتتەمەلەر تۇرعىسىنان ولاردىڭ بيزنەسٸنٸڭ تابىستىلىعىن قامتاماسىز ەتۋگە قانشالىقتى قابٸلەتتٸ ەكەنٸن باعالاۋى تيٸس, ياعني وسى بانكتەردە بار مٸندەتتەمەلەر بويىنشا ۋاقتىلى ەسەپتەسۋٸ تيٸس. ەلدەگٸ ەكونوميكالىق بەلسەندٸلٸك باياۋلاعان جاعدايدا, كٶپتەگەن قارجى ينستيتۋتتارى ٷشٸن شوعىرلاندىرۋ ٷردٸسٸ شەشٸمدەردٸڭ بٸرٸ بولىپ تابىلادى, سوندا بٸر ينستيتۋتتىڭ كٷشتٸ جاقتارىن بٸرٸكتٸرۋ ەسەبٸنەن باسقا ينستيتۋتتىڭ ەلسٸز جاقتارى جويىلىپ, ساۋ تەڭگەرٸمدٸ قارجى ينستيتۋتى قالىپتاسۋى مٷمكٸن», - دەدٸ اقىشەۆ.
«بانكتەر بٸرٸگۋ نيەتٸ تۋرالى مەموراندۋمعا قول قويعاندا, نارىقتا باسقا بانكتەر تۋرالى ەڭگٸمەلەر جٷرٸپ جاتقانىن بٸلەمٸن. بۇل ٷدەرٸس جالعاسا بەرەدٸ, بۇل ٷدەرٸس بيزنەستٸڭ ەكونوميكالىق باعالاۋىنا نەگٸزدەلەدٸ. بٸز رەتتەۋشٸ رەتٸندە ەلدە تۇراقتى قارجىلىق جٷيە قالىپتاسۋىنا مٷددەلٸمٸز».
ەگەر بٸرٸكتٸرۋدٸ دۇرىس دەپ بولجاساق, نارىقتا ويىنشىلاردى كووپەراتسييالاۋ نەمەسە شوعىرلاندىرۋ قارجى جٷيەسٸنٸڭ ورنىقتىلىعىن جاقسارتۋعا الىپ كەلەدٸ, بٸز مۇنى قۇپتايمىز. كەشە ەكٸ بانك نيەتٸ تۋرالى ايتتى, بۇل جاعداي بٸزدە تالقىلاندى - بانك اكتسيونەرلەرٸ ۇلتتىق بانك باسشىلىعىمەن كەزدەستٸ. قاي ٷلگٸ بويىنشا العا جىلجيتىنىن كٶرسەتتٸ. ولار قاي جاققا جىلجۋ قاجەتتٸگٸن تٷسٸنەدٸ دەپ ويلايمىن. بۇل ٷردٸس جالعاسا بەرەدٸ», - دەدٸ ۇلتتىق بانك باسشىسى.
بۇدان بۇرىن حابارلانعانداي, «Tengri Bank» اق «Capital Bank Kazakhstan» اق-مەن بٸرٸگۋ نيەتتەرٸ تۋرالى مەموراندۋمعا قول قويدى. سونداي-اق ۇلتتىق بانك قازكوممەرتسبانك اكتسييالارىنىڭ باقىلاۋ پاكەتٸن ساتىپ الۋ نيەتٸ تۋرالى ايتتى. بۇدان باسقا تسەسنابانك «بانك تسەنتركرەديت» بانكٸمەن قوسىلۋ مٷمكٸندٸگٸ تالقىلانىپ جاتقانى بەلگٸلٸ.
