QR Ulttyq banki el ekonomikasynyń biylǵy ósimin 3,9-4,2 paiyz deńgeiinde boljaidy. Bul týraly Úkimettiń keńeitilgen otyrysynda QR Ulttyq bank tóraǵasy Ǵalymjan Pirmatov aitty, dep habarlaidy QazAqparat.
«Halyqaralyq valiýta qorynyń baǵalaýy boiynsha, 2021 jyly jahandyq ishki jalpy ónimniń ósý qarqyny 40 jyldan astam ýaqyt ishinde eń jyldam bolyp, 5,9 paiyzdy qurady. 2022 jyly ekonomikanyń qalpyna kelýi jalǵasady. Biraq ósý qarqyny tómendep, Halyqaralyq valiýta qorynyń boljamdary boiynsha 4,4 paiyzdy quraidy. Halyqaralyq uiymdardyń baǵalaýy boiynsha, Qazaqstan ekonomikasy 2022 jyly 3,7-4,0 paiyzǵa ósedi, Ulttyq bank ony 3,9-4,2 paiyz deńgeiinde boljap otyr», - dedi ol.
Ulttyq bank tóraǵasynyń atap ótýinshe, shamadan tys suranys týdyrǵan álemdik ekonomikanyń tez qalpyna kelýi aiasynda 2021 jyly shikizat, materialdar men azyq-túlik baǵasy eń joǵary deńgeige jetti. Bul energetikalyq daǵdaryspen birge álemniń kóptegen elderinde rekordtyq infliatsiiaǵa alyp keldi.
«Halyqaralyq uiymdar qysqa merzimdi kezeńde disbalanstar aiaqtalsa, 2022 jyldyń ortasyna taman baǵanyń turaqtanýyn boljaýda. Taýar jetkizýdegi barynsha uzaq toqtap qalýlar jáne shikizat pen azyq-túlik baǵasynyń ósýi jalǵassa, infliatsiianyń turaqtanýyna uzaq ýaqyt kerek bolady. Údep kele jatqan infliatsiialyq qysymdy tejeý aiasynda ortalyq bankter aqsha-kredit talaptaryn kúsheite bastady. Ol 2022 jyly belsendi túrde jalǵasatyn bolady jáne qazirdiń ózinde naryqtarǵa qysym kórsetýde. Syrtqy jáne ishki infliatsiialyq qysymnyń kúsheiýi kezinde Ulttyq bank 2021 jyldyń ortasynan bastap bazalyq stavkany úsh ret 9,75 paiyzǵa deiin 75 bazalyq tarmaqqa ósirdi», - dedi Ǵalymjan Pirmatov.
