Fotokollaj: Azattyq Rýhy
Ulttyq Bank Qazaqstan qarjygerleriniń XI Kongresinde ulttyq valiýta banknotalarynyń jańa seriiasyn tanystyrdy. Ol «Saq stili» elementterine negizdelgen jáne kóshpendilerdiń biregei mádenietinen bastap búgingi Qazaqstanǵa deiingi el murasyn beineleidi, dep habarlaidy "Ult aqparat" QUB baspasóz qyzmetine silteme jasap.
"Jańa banknotalar seriiasy daiyn bolǵan kezde ainalymǵa enedi. Nominaly 5 000 teńgelik jańa dizain úlgisindegi alǵashqy banknotalar osy jyldyń sońyna deiin qoldanysqa shyǵady.
Halyqaralyq tájiribege sáikes, banknotalardyń dizainy jalǵan aqsha jasaýǵa jol bermeý jáne onyń aldyn alý úshin jetildirilgen qorǵanysh qabiletin engizý maqsatynda kezeń-kezeńimen jańartylyp otyrady.
Bul oraida elimizdiń mádeni qundylyqtary men tarihyn nasihattaý mańyzdy sanalady" - delingen habarlamada.
Ulttyq bank málimetinshe, jańa banknotalar tólemniń barlyq túri boiynsha Qazaqstan Respýblikasynyń búkil aýmaǵynda nominaldy qunyna qarai qabyldaýǵa jatady. Sondai-aq, Qazaqstan Respýblikasynyń barlyq banki arqyly banktik shottarǵa aýdarýǵa, aiyrbastaýǵa jáne usaqtalýǵa mindetti.
Fotokollaj: Azattyq Rýhy
Banknotalardy ainalymǵa qatar shyǵarý jáne aiyrbastaý tártibi týraly
Jańa dizaindaǵy banknotalar shyǵarylǵannan keiin aldyńǵy úlgidegi banknotalar ainalymnan birtindep alyna bastaidy.
Ulttyq Bank eski jáne jańa úlgidegi banknotalardyń ainalymda qatar júrý merzimin 1 jyl dep belgileidi, ol qajet bolǵan jaǵdaida uzartylýy múmkin.
Ainalymda parallel júretin kezeńde eski jáne jańa banknotalar zańdy tólem quraly bolyp qala beredi jáne tólemder men aýdarym kezinde qabyldanýǵa mindetti. Olar Ulttyq Banktiń, «Qazposhta» AQ men EDB barlyq filialdarynda shekteýsiz mólsherde aiyrbastalady jáne usaqtalady.
Ainalymda qatar júrý merzimi aiaqtalǵan soń barlyq bankter men «Qazposhta» AQ eski úlgidegi banknotalardy jańa úlgidegi banknotalarǵa – 3 jyl ishinde, al Ulttyq Banktiń filialdary – merzimsiz aiyrbastai beredi.
Banknotalardyń ainalymda parallel júrý merzimi men tártibi týraly aqparat qosymsha jariialanady.
