Qazaqstan Ulttyq Banki Halyqaralyq valiýta qory janyndaǵy Kavkaz, Ortalyq Aziia jáne Mońǵoliia elderi úshin áleýetti damytý óńirlik ortalyǵy Úilestirý komitetiniń ekinshi otyrysyna qatysty, dep habarlaidy "Ult aqparat" QR Ulttyń Bankiniń baspasóz qyzmetine silteme jasap.
Úilestirý komitetiniń quramyna óńir elderiniń (Armeniia, Ázirbaijan, Grýziia, Qazaqstan, Qyrǵyzstan, Mońǵoliia, Tájikstan, Túrikmenstan, Ózbekstan), seriktester men donorlar ókilderi, sondai-aq HVQ ókilderi kiredi. Biyl Komitetke Qazaqstan Ulttyq Banki Tóraǵasynyń orynbasary Áliia Moldabekova basshylyq etedi.
Úilestirý komitetiniń músheleri onlain-kezdesý barysynda 2022 jyldyń sáýir aiyna deiingi jumys josparyn bekitti. Ortalyq óńir elderi úshin makroekonomika, memlekettik qarjyny basqarý, aqsha-kredit saiasaty, qarjy naryǵyn retteý, statistika siiaqty baǵyttar boiynsha HVQ-nyń birqatar konsýltatsiialyq jobalaryn uiymdastyrýdy josparlap otyr.
Konsýltatsiialyq jobalar álemdik ozyq tájiribe men HVQ saraptamasy eskerile otyryp, 2021 jyldyń aqpanynan bastap júrgiziledi. Sonymen qatar Ortalyq 2020 jylǵy shildeden bastap tájiribe almasý úshin qysqa merzimdi jobalar – seminarlar men vebinarlardy da iske asyrady. Atap aitqanda, Ulttyq Banktiń qyzmetkerleri 12 vebinar men 3 óńirlik is-sharaǵa spiker ári tyńdaýshy retinde qatysty.
Osyndai uiymnyń óńirde ornalasýy aimaqtaǵy barlyq múddeli elder úshin úzdik halyqaralyq tájiribege jol ashady jáne adam kapitalyn damytýǵa, memlekettik basqarý tájiribesine eleýli úles qosady.
Úilestirý komitetiniń kelesi otyrysy 2021 jyly 7 jeltoqsanda ótedi.
