قازاقستان ۇلتتىق بانكٸ حالىقارالىق ۆاليۋتا قورى جانىنداعى كاۆكاز, ورتالىق ازييا جەنە موڭعولييا ەلدەرٸ ٷشٸن ەلەۋەتتٸ دامىتۋ ٶڭٸرلٸك ورتالىعى ٷيلەستٸرۋ كوميتەتٸنٸڭ ەكٸنشٸ وتىرىسىنا قاتىستى, دەپ حابارلايدى "ۇلت اقپارات" قر ۇلتتىڭ بانكٸنٸڭ باسپاسٶز قىزمەتٸنە سٸلتەمە جاساپ.
ٷيلەستٸرۋ كوميتەتٸنٸڭ قۇرامىنا ٶڭٸر ەلدەرٸنٸڭ (ارمەنييا, ەزٸربايجان, گرۋزييا, قازاقستان, قىرعىزستان, موڭعولييا, تەجٸكستان, تٷرٸكمەنستان, ٶزبەكستان), سەرٸكتەستەر مەن دونورلار ٶكٸلدەرٸ, سونداي-اق حۆق ٶكٸلدەرٸ كٸرەدٸ. بيىل كوميتەتكە قازاقستان ۇلتتىق بانكٸ تٶراعاسىنىڭ ورىنباسارى ەلييا مولدابەكوۆا باسشىلىق ەتەدٸ.
ٷيلەستٸرۋ كوميتەتٸنٸڭ مٷشەلەرٸ ونلاين-كەزدەسۋ بارىسىندا 2022 جىلدىڭ سەۋٸر ايىنا دەيٸنگٸ جۇمىس جوسپارىن بەكٸتتٸ. ورتالىق ٶڭٸر ەلدەرٸ ٷشٸن ماكروەكونوميكا, مەملەكەتتٸك قارجىنى باسقارۋ, اقشا-كرەديت ساياساتى, قارجى نارىعىن رەتتەۋ, ستاتيستيكا سيياقتى باعىتتار بويىنشا حۆق-نىڭ بٸرقاتار كونسۋلتاتسييالىق جوبالارىن ۇيىمداستىرۋدى جوسپارلاپ وتىر.
كونسۋلتاتسييالىق جوبالار ەلەمدٸك وزىق تەجٸريبە مەن حۆق ساراپتاماسى ەسكەرٸلە وتىرىپ, 2021 جىلدىڭ اقپانىنان باستاپ جٷرگٸزٸلەدٸ. سونىمەن قاتار ورتالىق 2020 جىلعى شٸلدەدەن باستاپ تەجٸريبە الماسۋ ٷشٸن قىسقا مەرزٸمدٸ جوبالار – سەمينارلار مەن ۆەبينارلاردى دا ٸسكە اسىرادى. اتاپ ايتقاندا, ۇلتتىق بانكتٸڭ قىزمەتكەرلەرٸ 12 ۆەبينار مەن 3 ٶڭٸرلٸك ٸس-شاراعا سپيكەر ەرٸ تىڭداۋشى رەتٸندە قاتىستى.
وسىنداي ۇيىمنىڭ ٶڭٸردە ورنالاسۋى ايماقتاعى بارلىق مٷددەلٸ ەلدەر ٷشٸن ٷزدٸك حالىقارالىق تەجٸريبەگە جول اشادى جەنە ادام كاپيتالىن دامىتۋعا, مەملەكەتتٸك باسقارۋ تەجٸريبەسٸنە ەلەۋلٸ ٷلەس قوسادى.
ٷيلەستٸرۋ كوميتەتٸنٸڭ كەلەسٸ وتىرىسى 2021 جىلى 7 جەلتوقساندا ٶتەدٸ.
