Qazaqstannyń Ulttyq banki 198,9 million dollarǵa valiýtalyq interventsiia jasady, - dep habarlaidy Tengrinews.kz tilshisi.
"Aýktsion qorytyndysy boiynsha teńge baǵamy bir dollarǵa 510,00 teńge deńgeiinde qalyptasty. Saýda kólemi 210,7 million dollar boldy. Ulttyq banktiń valiýtalyq interventsiialary 198,9 million dollar, Ulttyq banktiń qatysý úlesi 94,4 paiyz", - dep habarlady Ulttyq bank.
Departament álemdik qarjy naryqtaryndaǵy qubylmalylyqtyń kúsheiýi aiasynda jáne ishki valiýta naryǵyndaǵy jaǵdaidyń turaqsyzdanýyna jol bermeý maqsatynda 9 naýryzda KASE qor birjasynda saýda-sattyq Frankfýrt aýktsiony túrinde ótkenin atap ótti.
Frankfýrt aýktsionynyń mehanizmi mámilelerdiń maksimaldy múmkin kólemi jasalatyn aýktsionnyń kesimdi baǵasyn anyqtaýǵa múmkindik beredi jáne negizsiz qubylmalylyqtyń aldyn alýǵa baǵyttalǵan.
28 aqpanda Qazaqstan qor birjasynda dollar-teńge juby boiynsha saýda-sattyq ta Frankfýrt aýktsiony túrinde ótti. Aýktsion nátijesinde Ulttyq banktiń valiýtalyq interventsiialary 98,1 million dollardy nemese bir kúndegi jalpy saýda kóleminiń 61,5 paiyzyn qurady.
1 naýryzdan bastap aýktsiondar ádettegidei jalǵasyp jatyr. 1 naýryzdan 5 naýryzǵa deiin Ulttyq bank 534,3 million dollar satty, bul jalpy saýda kóleminiń 60 paiyzyn quraidy, onyń ishinde Ulttyq qordan respýblikalyq biýdjetke transfertterdi qamtamasyz etý úshin aiyrbastaý 414,3 million dollar jáne valiýtalyq interventsiialar 120 million dollar boldy.
