Memleket basshysy usynǵan baǵytta birlesip jumys istesek, elimiz áli talai jeńisterdiń biik tuǵyrynan kórinedi. Mundai pikirdi Qazaqstannyń eńbek sińirgen qairatkeri, kompozitor Jeńis Seidýllauly bildirdi, dep habarlaidy QazAqparat tilshisi.
«Elimizdiń táýelsizdik jyldary qol jetkizgen jetistikteri, aldaǵy baǵyndyrar belesteri týraly Memleket basshysy Qasym-Jomart Kemelulynyń maqalasy bárimizge tereń oi qaldyrdy. Menińshe, árbir kózi ashyq, kókiregi oiaý sanaly azamat bul maqalany oqyp shyǵýy kerek. Bul kólemdi maqalada Prezident halqymyz úshin mańyzdy qundylyqtarǵa basa mán berdi. Memleket basshysynyń «Egemendigimizdiń máńgilik úshtaǵany – Altaidan Atyraýǵa, Alataýdan Arqaǵa deiin keń kósilgen baitaq jerimiz, ananyń aq sútimen boiymyzǵa daryǵan qasterli tilimiz jáne barlyq qiyndyqtardan halqymyzdy súrindirmei alyp kele jatqan bereke-birligimiz. Biz osy úsh qundylyqty kózdiń qarashyǵyndai saqtaimyz», degen sózinde-aq tereń saiasi-filosofiialyq maǵyna bar», - deidi ol.
Onyń paiymynsha, el arasynda úlken serpilis týǵyzǵan maqaladaǵy kemel oilardy barynsha dáriptep, oi-sanamyzǵa berik ornyqtyrý – búgingi tańda biz úshin basty mindet.
«Uly dala eliniń bolashaǵy úshin mańyzy zor «Táýelsizdik bárinen qymbat» atty maqala árbir qazaqstandyqtyń rýhani sana-sezimine igi yqpalyn tigizeri anyq. Ult múddesi úshin Memleket basshysy usynǵan baǵytta birlesip jumys istesek, elimiz áli talai jeńisterdiń biik tuǵyrynan kórinetinine kámil senemin», - dedi Jeńis Seidýllauly.
.jpeg)