Qostanai oblysynda ultaralyq arazdyqty qozdyrǵan Rýdnyi turǵyny sottaldy, dep habarlaidy "Ult aqparat" oblystyq sottyń baspasóz qyzmetine silteme jasap.
Buǵan deiin jazǵanymyzdai, politsiia áleýmettik jeli arqyly taraǵan videony tekserdi. Rýdnyi turǵyny ýkrainalyq blogermen bolǵan áńgime barysynda Qazaqstan Respýblikasynyń memlekettik tilin, jerin qorlap, qazaq halqynyń ar-namysyna tietin sózder aitqan.
Áleýmettik jelige monitoring júrgizý barysynda politseiler YouTube arnasynan atalmysh videony anyqtap, shuǵyl tekseris júrgizdi.
Keiinnen Kirill Bojko Qazaqstan halqynan keshirim surap, videoúndeý joldady.
Rýdnyi qalalyq sotynyń úkimimen Rýdnyi qalasynyń turǵyny B. QR QK 174-baby 1-bóligi boiynsha sottaldy.
«Sottalýshynyń kinási beinejazba jáne arnaiy saraptama qorytyndysymen dáleldendi. Sot is boiynsha barlyq mán-jaidy eskere otyryp, Bojkony 2 jylǵa bas bostandyǵynan aiyrý jazasyn taǵaiyndady. Úkim zańdy kúshine engen joq» delingen oblystyq sottyń baspasóz habarlamasynda.
