Foto: instagram.com/zhambyl_audany
Áleýmettik jeliler men messendjerlerde Almaty oblysy Úlken aýylynda atom elektr stantsiiasynyń (AES) qurylysy bastalǵany týraly jalǵan aqparat taralyp jatyr. Bul týraly Jambyl aýdanynyń Instagram-daǵy paraqshasy habarlady.
Beinerolikte, boljam boiynsha, Google Maps onlain servisy arqyly qurylys obektileri kórsetiledi.
"Ondaǵy nysandardyń Atom elektr stansasy ekeni shyndyqqa janaspaidy. Beinejazbada kórsetilgen nysan 2011 jyly Balqash jylý elektr ortalyǵy (JES) qurylysy jobasyn júzege asyrý kezinde salynǵan infraqurylym", - delingen habarda.
Joba kómirmen jumys isteitin jylý elektr stantsiiasynyń qurylysyn qamtydy. Joba aiasynda tiisti infraqurylymnyń, sonyń ishinde jumysshylarǵa arnalǵan turǵyn kenttiń qurylysy bastalǵan.
2014 jyly "Balqash jylý elektr ortalyǵy" jobasyn júzege asyrý toqtatyldy.
Onlain-servistiń kartografiialyq derekterine túzetýler engizý jáne jalǵan aqparattyń odan ári taralýyna jol bermeý úshin Qazaqstan Respýblikasy Tsifrlyq damý, innovatsiialar jáne aeroǵarysh ónerkásibi ministrligine (TsDIAÓM) ótinim jiberildi.
