Foto: BAQ.KZ
Prezident janyndaǵy Áielder isteri jáne otbasylyq-demografiialyq saiasat jónindegi Ulttyq komissiia múshelerini ata-analar qaýymdastyǵyna úndeý jariialady, dep habarlaidy Ult.kz, BAQ.KZke silteme jasap.
“Qurmetti ata-analar! 19 qańtarda Astanada bizdi bárimizdi tereń qaiǵyǵa batyryp, eseńgiretken qaiǵyly oqiǵa boldy. Onlain oiyndarǵa táýeldilik týraly eskertý jasaǵan kezde týyndaǵan janjal saldarynan jaqyn týysynyń qolynan bir adam qaza taýyp, úsheýi jaraqat aldy. Oqiǵa mán-jaiy áli anyqtalýda. Biz qaiǵyly jaǵdaiǵa tap bolǵan adamnyń týystary men jaqyndaryna jáne osy tragediiadan zardap shekken barlyq adamdarǵa tereń qaiǵyryp, kóńil aitamyz. Bul jaǵdai bizge balalarymyzdyń qyzyǵýshylyqtaryna jáne hobbilerine qanshalyqty nazar aýdarý qajettigin kórsetedi. Búgingi kúni tsifrlyq tehnologiialar ómirimizdiń bólinbes bóligine ainaldy. Jastar, ásirese jasóspirimder, ýaqyttyń kóp bóligin virtýaldy álemde ótkizýde. «Kazakhstan Kids Online» zertteýine sáikes, Qazaqstandaǵy balalardyń 15%-y kúndelikti internette teris kontentke kezigýde. Videoigrlerge, áleýmettik jelilerge jáne onlain qarym-qatynasqa táýeldilik artyp keledi. Bul, óz kezeginde, áleýmettik oqshaýlanýǵa, otbasyndaǵy túsinbeýshilik pen janjaldarǵa ákeledi”, - delingen úndeýde.
Ulttyq komissiia balalardyń qyzyǵýshylyqtary men problemalaryna kóbirek nazar aýdarýǵa shaqyrady.
“Balalaryńyzdyń ómirine qatysý, olardyń hobbilerine shynaiy qyzyǵýshylyqpen qarap, ashyq áńgimeler júrgizý – olardyń úilesimdi damýy men múmkin bolatyn tragediialardyń aldyn alýdyń negizi. Sonymen qatar, biz ata-analarǵa «ata-ana baqylaýy» quraldaryn paidalanyp, balalardyń internette ótkizetin ýaqyty men tutynatyn kontenti týraly aqparat alýdy usynamyz. Bul balalardy artyq gadjettermen shuǵyldanýdan, destrýktivti oiyndardan qorǵaýǵa jáne kiberqaterlermen bailanysty qaýipterdi azaitýǵa kómektesedi. Kiberqaýipsizdikke qamqorlyq jasaý – otbasynyń ál-aýqatynyń mańyzdy bóligine ainalýda. Qazirgi ýaqyttaǵy jaǵdailar ata-analarmen balalarynyń arasyndaǵy qarym-qatynasqa az ýaqyt qaldyrady. Alaida eshqandai jumys balalardyń ómiri men densaýlyǵynan mańyzdy bola almaidy. Otbasynda senimdi atmosfera quryp, balalardyń qaýipsizdigin baqylap, eń bastysy – BALALARYŃYZǴA ÚLGI BOLYŃYZDAR! Bul tragediia biz úshin taǵy bir sabaq bolar jáne ózimizdiń basymdyqtarymyzdy qaita qaraýymyzǵa sebep bolady. Tek otbasy, memleket jáne qoǵamnyń birlesken kúsh-jigeri arqyly ǵana biz balalarymyz úshin qaýipsiz ári gúldengen bolashaq qura alamyz. Balalarymyz bizben birge bolsyn!”, - deidi komissiia músheleri.
