Foto: freepik.com
Aqtaýda "Atameken" turǵyn úi kesheni aiaqtalmaǵan obektisi salymshylarynyń senip tapsyrylǵan aqshalai qarajatyn iemdený jáne talan-tarajǵa salý faktisi boiynsha "Bagis" JShS basshylyǵyna qatysty qylmystyq isti tergeý jalǵasyp jatyr, - dep habarlaidy "Ult aqparat" Qarjylyq monitoring agenttigine silteme jasap.
"Tergeý barysynda JShS direktory 2017 jyldyń naýryzy men 2022 jyldyń qyrkúiegi aralyǵynda turǵyn úi kesheni qurylysyn aiaqtaimyn degen jeleýmen 119 úleskerdiń iri kólemde 400 mln teńgege jýyq aqshalai qarajatyn iemdegeni anyqtaldy.
JShS basshysyna qatysty "qamaýda ustaý" túrindegi bultartpaý sharasy sanktsiialandy.
Qazirgi ýaqytta qylmystyq is boiynsha tergeý áreketteri júrgizilip jatyr. Qosymsha sot saraptamalaryn júrgizý kútilýde, onyń nátijeleri boiynsha kúdiktiniń is-áreketterine túpkilikti quqyqtyq baǵa beriledi" - delingen habarlamada.
QR Qylmystyq-protsestik kodeksiniń 201-babynyń talaptaryna sáikes tergeý múddesinde ózge aqparat jariia etilýge jatpaidy.
