Jýrnalist Rýslan Ótepbai marqum feldsher Uldana Myrzýannyń anasy bergen suhbattan taǵy bir úzindi jariialady, dep habarlaidy ult.kz.
Suhbat barysynda Uldananyń anasy qyzynyń burynǵy kúieýine qatysty da jaittardy aityp berdi. Onyń sózinshe, er adam Uldananyń Kaspi Bank aldynda nesiesi bar ekenin aityp, qaryzdy óteý úshin otbasynan aqsha suraǵan.
Alaida bul aqparatqa kúmándanǵan marqumnyń anasy máseleni ózi anyqtap kórýge sheshim qabyldaǵan. Ol bankke baryp, qyzynyń atyna rásimdelgen nesie boiynsha aqparatty teksertken.
Anasynyń aitýynsha, bank qyzmetkerleri Uldananyń atyna eshqandai nesie rásimdelmegenin habarlaǵan.
Osylaisha, burynǵy kúieýiniń «Uldananyń bankte nesiesi bar» degen sózi rastalmaǵan. Marqumnyń anasy bul jaǵdaiǵa qatysty óz kúdigin aityp, qyzynyń atyna bailanysty qarjylyq máselelerdiń qalai týyndaǵanyn túsindirdi.
Aita keteiik, buǵan deiin Rýslan Ótepbai Uldana Myrzýannyń anasynyń suhbatynan qyzynan qalǵan dúnie-múlikke qatysty daý, kúieý balasynyń keiin qaita úilenýi jáne otbasy arasyndaǵy túsinispeýshilikter týraly úzindiler jariialaǵan bolatyn.
