جۋرناليست رۋسلان ٶتەپباي مارقۇم فەلدشەر ۇلدانا مىرزۋاننىڭ اناسى بەرگەن سۇحباتتان تاعى بٸر ٷزٸندٸ جارييالادى, دەپ حابارلايدى ult.kz.
سۇحبات بارىسىندا ۇلدانانىڭ اناسى قىزىنىڭ بۇرىنعى كٷيەۋٸنە قاتىستى دا جايتتاردى ايتىپ بەردٸ. ونىڭ سٶزٸنشە, ەر ادام ۇلدانانىڭ Kaspi Bank الدىندا نەسيەسٸ بار ەكەنٸن ايتىپ, قارىزدى ٶتەۋ ٷشٸن وتباسىنان اقشا سۇراعان.
الايدا بۇل اقپاراتقا كٷمەندانعان مارقۇمنىڭ اناسى مەسەلەنٸ ٶزٸ انىقتاپ كٶرۋگە شەشٸم قابىلداعان. ول بانككە بارىپ, قىزىنىڭ اتىنا رەسٸمدەلگەن نەسيە بويىنشا اقپاراتتى تەكسەرتكەن.
اناسىنىڭ ايتۋىنشا, بانك قىزمەتكەرلەرٸ ۇلدانانىڭ اتىنا ەشقانداي نەسيە رەسٸمدەلمەگەنٸن حابارلاعان.
وسىلايشا, بۇرىنعى كٷيەۋٸنٸڭ «ۇلدانانىڭ بانكتە نەسيەسٸ بار» دەگەن سٶزٸ راستالماعان. مارقۇمنىڭ اناسى بۇل جاعدايعا قاتىستى ٶز كٷدٸگٸن ايتىپ, قىزىنىڭ اتىنا بايلانىستى قارجىلىق مەسەلەلەردٸڭ قالاي تۋىنداعانىن تٷسٸندٸردٸ.
ايتا كەتەيٸك, بۇعان دەيٸن رۋسلان ٶتەپباي ۇلدانا مىرزۋاننىڭ اناسىنىڭ سۇحباتىنان قىزىنان قالعان دٷنيە-مٷلٸككە قاتىستى داۋ, كٷيەۋ بالاسىنىڭ كەيٸن قايتا ٷيلەنۋٸ جەنە وتباسى اراسىنداعى تٷسٸنٸسپەۋشٸلٸكتەر تۋرالى ٷزٸندٸلەر جارييالاعان بولاتىن.
