Áleýmettik jelide Uldana Myrzýanǵa qatysty video tarady , dep habarlaidy ult.kz.
Video jasandy intellekt arqyly jasalǵan. Videoda marqum Uldana Myrzýan kúieýine renishin bildiredi.
Aita keteiik, Astanada qyzmettik mindetin atqarý kezinde aýyr jaraqat alyp, keiin aýrýhanada kóz jumǵan 23 jastaǵy feldsher Uldana Myrzýannyń qazasy el qoǵamyn dúr silkindirdi. Jas meditsina qyzmetkeri turǵyn úidiń qasbeti qulaǵan kezde zardap shekkenderge kómek kórsetýge kelgen. Alaida adamdardyń ómirin qutqarýǵa umtylǵan sátte onyń ústine ǵimarattan qulaǵan konditsioner túsip, Uldana aýyr jaraqat alǵan.
Oqiǵa 2025 jylǵy 8 qarashada Astanadaǵy Táýelsizdik dańǵyly, 24B mekenjaiyndaǵy turǵyn úide bolǵan. Ǵimarattyń syrtqy kirpish qaptamasy men konditsioner blogy opyrylyp, bes adam zardap shekken. Oqiǵa ornyna jedel járdem brigadalary shaqyrylǵan.
Uldana Myrzýan sol kúni jedel járdem feldsheri retinde oqiǵa ornyna barǵan. Jaqyndarynyń aitýynsha, ol zardap shekken adamdarǵa meditsinalyq kómek kórsetýge kirisken.
Uldana Myrzýan 8 qarashadan bastap aýrýhanada jatqan. Dárigerler barlyq qajetti em-sharalardy júrgizgenimen, ol esin jimastan, 18 qarashada qaitys boldy. Bul aqparatty Astana qalasynyń densaýlyq saqtaý basqarmasy da rastaǵan.
Ol nebári 23 jasta bolǵan.
Uldana Myrzýannyń erligi memleket tarapynan da moiyndaldy.
Prezident Qasym-Jomart Toqaevtyń Jarlyǵymen marqum feldsherge qyzmettik boryshyn úlgili atqarǵany, qiyn jaǵdaida kórsetken erligi men janqiiarlyǵy úshin «Erligi úshin» medaliberildi.
