Foto: QR Qorǵanys ministrligi
UQShU Ujymdyq bitimgerlik kúshteri Almaty oblysynda oqý-jattyǵýyn ótkizedi. Bul týraly Qorǵanys ministrligi habarlady.
"2024 jylǵy 26 qyrkúiek pen 7 qazan aralyǵynda Almaty oblysynyń "Jaǵalaý" oqý poligony bazasynda UQShU Ujymdyq bitimgerlik kúshteriniń "Myzǵymas baýyrlastyq-2024" komandalyq-shtabtyq oqý-jattyǵýyn ótkizý josparlanǵan", - delingen habarda.
Oqý-jaýyngerlik tapsyrmalardy pysyqtaý maqsatynda oqý-jattyǵý ótetin jerge 18 qyrkúiekten bastap Belarýs, Qazaqstan, Qyrǵyzstan, Resei jáne Tájikstannyń áskeri kontingentteri aralas tásilmen kele bastaityny aitylady.
Almaty jáne Jetisý oblystarynyń aýmaǵy arqyly áskeri qyzmetshilerdiń qozǵalysy temir jol jáne avtomobil kóligimen júzege asyrylatyn bolady.
"Osyǵan bailanysty, azamattar men BAQ ókilderinen áleýmettik jelilerde taratylatyn qaýesetterge mán bermei, tek resmi aqparat kózderine senýin suraimyz", - delingen habarda.
