Ýkraina áskeriniń basshylyǵy eldiń shyǵysyndaǵy Novolýganskoe aýylynda jarylys bolyp, úsh sarbazynyń qaza tapqanyn habarlady. Ótken aptada qaqtyǵys aimaǵynda barlyǵy bes ýkrain sarbazy qaza tapty.
Ýkraina prezidenti Vladimir Zelenskiidiń ákimshiligi istiń mán-jaiyn anyqtaý úshin Donetsk oblysyna qorǵanys ministri men qarýly kúshter shtabynyń basshysy attanǵanyn málimdedi.
Qazir Birikken Arab Ámirlikterinde resmi saparmen júrgen Vladimir Zelenskii mundai qaiǵyly jaǵdaidyń qaitalanbaýy úshin dereý tergeý júrgizý qajet dedi. Ýkraina prezidenti 15 aqpan kúni eline oralyp, ásker basshylarynyń oqiǵa jónindegi esebin tyńdaidy dep habarlady memleket basshysynyń ákimshiligi.
Eldiń shyǵysynda 2014 jyldan beri Ýkraina áskeri men reseishil separatister qaqtyǵysyp keledi. Jetinshi jylǵa shyqqan bul qaqtyǵysta osy ýaqytqa deiin 13 myńnan astam adam qaza tapqan.
