ۋكراينا ەسكەرٸنٸڭ باسشىلىعى ەلدٸڭ شىعىسىنداعى نوۆولۋگانسكوە اۋىلىندا جارىلىس بولىپ, ٷش ساربازىنىڭ قازا تاپقانىن حابارلادى. ٶتكەن اپتادا قاقتىعىس ايماعىندا بارلىعى بەس ۋكراين ساربازى قازا تاپتى.
ۋكراينا پرەزيدەنتٸ ۆلاديمير زەلەنسكييدٸڭ ەكٸمشٸلٸگٸ ٸستٸڭ مەن-جايىن انىقتاۋ ٷشٸن دونەتسك وبلىسىنا قورعانىس مينيسترٸ مەن قارۋلى كٷشتەر شتابىنىڭ باسشىسى اتتانعانىن مەلٸمدەدٸ.
قازٸر بٸرٸككەن اراب ەمٸرلٸكتەرٸندە رەسمي ساپارمەن جٷرگەن ۆلاديمير زەلەنسكيي مۇنداي قايعىلى جاعدايدىڭ قايتالانباۋى ٷشٸن دەرەۋ تەرگەۋ جٷرگٸزۋ قاجەت دەدٸ. ۋكراينا پرەزيدەنتٸ 15 اقپان كٷنٸ ەلٸنە ورالىپ, ەسكەر باسشىلارىنىڭ وقيعا جٶنٸندەگٸ ەسەبٸن تىڭدايدى دەپ حابارلادى مەملەكەت باسشىسىنىڭ ەكٸمشٸلٸگٸ.
ەلدٸڭ شىعىسىندا 2014 جىلدان بەرٸ ۋكراينا ەسكەرٸ مەن رەسەيشٸل سەپاراتيستەر قاقتىعىسىپ كەلەدٸ. جەتٸنشٸ جىلعا شىققان بۇل قاقتىعىستا وسى ۋاقىتقا دەيٸن 13 مىڭنان استام ادام قازا تاپقان.
