Qazaqstan Respýblikasynyń Ýkrainadaǵy Elshisi Darhan Káletaev Ýkrainanyń halyq depýtaty Ivan Kirilenkoǵa 2 dárejeli «Dostyq» ordenin tabys etti. Bul memlekettik nagrada Qazaqstan men Ýkraina arasyndaǵy dostyq pen yntymaqtastyqty damytýǵa qosqan úlesi úshin berildi, dep habarlaidy "Ult aqparat" Elshilikke silteme jasap.
Nagradany qabyldai otyryp, I.Kirilenko Qazaqstan Respýblikasynyń Prezidenti Qasym-Jomart Toqaevqa eki el arasyndaǵy bailanysty nyǵaitýǵa qosqan úlesin joǵary baǵalaǵany úshin alǵys aitty. Ol bul ózi úshin jáne Qazaqstan men baýyrlas qazaq halqyna jyly lebizben qaraityn búkil úlken «ýkrainalyq komanda» úshin úlken mártebe, úlken jetistik ekenin atap ótti.
Sonymen birge, ol birneshe ret Qazaqstanǵa kelip, innovatsiialyq damý jolyna negizdelgen eldiń jetistigine árdaiym súisinetindigin basa aitty. Onyń aitýynsha, Qazaqstan progresiniń qozǵaltqyshy Elbasy N.Á.Nazarbaevtyń innovatsiialyq jáne tereń eseptelgen ideialary, sondai-aq olardyń dáiekti júzege asyrylýyn qamtamasyz etý qabileti. Ol, sondai-aq ýkrainalyq túrli «alańdarda» jáne Joǵarǵy Radanyń «qabyrǵalarynda» qazirgi zamanǵy Qazaqstannyń úlgisin mysalǵa keltiretinin qosty.
Halyq depýtaty dostyq pen ózara senimge negizdelgen Qazaqstan-Ýkraina qatynastaryn odan ári damytý úshin barlyq kúsh-jigerin salatynyna sendirdi.
