قازاقستان رەسپۋبليكاسىنىڭ ۋكرايناداعى ەلشٸسٸ دارحان كەلەتاەۆ ۋكراينانىڭ حالىق دەپۋتاتى يۆان كيريلەنكوعا 2 دەرەجەلٸ «دوستىق» وردەنٸن تابىس ەتتٸ. بۇل مەملەكەتتٸك ناگرادا قازاقستان مەن ۋكراينا اراسىنداعى دوستىق پەن ىنتىماقتاستىقتى دامىتۋعا قوسقان ٷلەسٸ ٷشٸن بەرٸلدٸ, دەپ حابارلايدى "ۇلت اقپارات" ەلشٸلٸككە سٸلتەمە جاساپ.
ناگرادانى قابىلداي وتىرىپ, ي.كيريلەنكو قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆقا ەكٸ ەل اراسىنداعى بايلانىستى نىعايتۋعا قوسقان ٷلەسٸن جوعارى باعالاعانى ٷشٸن العىس ايتتى. ول بۇل ٶزٸ ٷشٸن جەنە قازاقستان مەن باۋىرلاس قازاق حالقىنا جىلى لەبٸزبەن قارايتىن بٷكٸل ٷلكەن «ۋكراينالىق كوماندا» ٷشٸن ٷلكەن مەرتەبە, ٷلكەن جەتٸستٸك ەكەنٸن اتاپ ٶتتٸ.
سونىمەن بٸرگە, ول بٸرنەشە رەت قازاقستانعا كەلٸپ, يننوۆاتسييالىق دامۋ جولىنا نەگٸزدەلگەن ەلدٸڭ جەتٸستٸگٸنە ەردايىم سٷيسٸنەتٸندٸگٸن باسا ايتتى. ونىڭ ايتۋىنشا, قازاقستان پروگرەسٸنٸڭ قوزعالتقىشى ەلباسى ن.ە.نازارباەۆتىڭ يننوۆاتسييالىق جەنە تەرەڭ ەسەپتەلگەن يدەيالارى, سونداي-اق ولاردىڭ دەيەكتٸ جٷزەگە اسىرىلۋىن قامتاماسىز ەتۋ قابٸلەتٸ. ول, سونداي-اق ۋكراينالىق تٷرلٸ «الاڭداردا» جەنە جوعارعى رادانىڭ «قابىرعالارىندا» قازٸرگٸ زامانعى قازاقستاننىڭ ٷلگٸسٸن مىسالعا كەلتٸرەتٸنٸن قوستى.
حالىق دەپۋتاتى دوستىق پەن ٶزارا سەنٸمگە نەگٸزدەلگەن قازاقستان-ۋكراينا قاتىناستارىن ودان ەرٸ دامىتۋ ٷشٸن بارلىق كٷش-جٸگەرٸن سالاتىنىنا سەندٸردٸ.
