Ýkrainanyń birneshe aimaǵynda jarylys boldy, - dep habarlaidy Massaget.kz portaly.
ÝNIAN aqparat agenttiginiń Telegram-arnasy málimetinshe, búkil Ýkrainada áýe dabyly jariialanǵan. Birqatar aimaq biligi shabýyldar týraly habarlady.
Ýkrainanyń Vinnitsa oblysynda "dál tigen soqqylar bar", dep málimdedi oblys ákimshiliginiń basshysy Sergei Borzov Telegram-arnasynda. Onyń habarlamasynda bastapqyda "Ladyjinsk JES-ine shabýyl" týraly aitylǵan, qazir oblys basshysy arnasynda mundai jazba joq ekeni atap ótildi.
Ladyjin qalasynyń ákimshiligi Facebook jelisinde jylý elektr ortalyǵynda elektr jabdyqtary zaqymdanǵanyn, onda tek asa qajet qyzmetkerler qalǵanyn habarlady.
Odessa oblysynda da jarylys bolǵany habarlandy. Jarylystar Rovno oblysy men Krivoi Rogta da (Dnepropetrovsk oblysy) tirkelgen. Krivoi Rog basshysy Aleksandr Vilkýl Telegram-arnasynda turǵyndardan panalaryna barýdy surady.
Kiev oblysynyń basshysy Aleksei Kýleba Facebook jelisinde aimaqta áýe qorǵanysy jumys istep jatqanyn jetkizdi. Áýe qorǵanysy jumysy týraly Nikolaev oblystyq ákimshiligi basshysy Vitalii Kim de habarlady.
