ۋكراينانىڭ بٸرنەشە ايماعىندا جارىلىس بولدى, - دەپ حابارلايدى Massaget.kz پورتالى.
ۋنيان اقپارات اگەنتتٸگٸنٸڭ Telegram-ارناسى مەلٸمەتٸنشە, بٷكٸل ۋكراينادا ەۋە دابىلى جارييالانعان. بٸرقاتار ايماق بيلٸگٸ شابۋىلدار تۋرالى حابارلادى.
ۋكراينانىڭ ۆيننيتسا وبلىسىندا "دەل تيگەن سوققىلار بار", دەپ مەلٸمدەدٸ وبلىس ەكٸمشٸلٸگٸنٸڭ باسشىسى سەرگەي بورزوۆ Telegram-ارناسىندا. ونىڭ حابارلاماسىندا باستاپقىدا "لادىجينسك جەس-ٸنە شابۋىل" تۋرالى ايتىلعان, قازٸر وبلىس باسشىسى ارناسىندا مۇنداي جازبا جوق ەكەنٸ اتاپ ٶتٸلدٸ.
لادىجين قالاسىنىڭ ەكٸمشٸلٸگٸ Facebook جەلٸسٸندە جىلۋ ەلەكتر ورتالىعىندا ەلەكتر جابدىقتارى زاقىمدانعانىن, وندا تەك اسا قاجەت قىزمەتكەرلەر قالعانىن حابارلادى.
ودەسسا وبلىسىندا دا جارىلىس بولعانى حابارلاندى. جارىلىستار روۆنو وبلىسى مەن كريۆوي روگتا دا (دنەپروپەتروۆسك وبلىسى) تٸركەلگەن. كريۆوي روگ باسشىسى الەكساندر ۆيلكۋل Telegram-ارناسىندا تۇرعىنداردان پانالارىنا بارۋدى سۇرادى.
كيەۆ وبلىسىنىڭ باسشىسى الەكسەي كۋلەبا Facebook جەلٸسٸندە ايماقتا ەۋە قورعانىسى جۇمىس ٸستەپ جاتقانىن جەتكٸزدٸ. ەۋە قورعانىسى جۇمىسى تۋرالى نيكولاەۆ وبلىستىق ەكٸمشٸلٸگٸ باسشىسى ۆيتاليي كيم دە حابارلادى.
