Diplomattar Ýkrainanyń Sýmy qalasynda oqyp júrgen qazaqstandyq stýdentke pana tapty. Bul aqparatty Qazaqstannyń Ýkrainadaǵy Tótenshe jáne Ókiletti elshisi Darhan Káletaev taratty, - dep habarlaidy Tengrinews.kz tilshisi.
Qaraǵandylyq Denis Ternovoi áli de Ýkrainada. Buǵan deiin Darhan Káletaev qazaqstandyqty evakýatsiialaý úshin barlyq amal qarastyrylyp jatqanyn jetkizgen edi.
Birneshe kún buryn Telegram-daǵy arnalardyń biri qazaqstandyq stýdent Ýkrainadan ketýden bas tartqanyn jazdy. Degenmen, Denis Ternovoi bul aqparatty joqqa shyǵardy. Ol Qazaqstan elshiliginiń usynysy boiynsha Harkovqa ýaqytsha barýdy josparlaǵanyn aitty, biraq sol kúni jol bombalanyp, trassa jabylǵan.
Bul jaǵdaida elshilik qazaqstandyq stýdentti jergilikti turǵyndarǵa tabystap, ýaqytsha pana taýyp berdi.
"Jaqsy adamdardyń qolyna tabystadyq", - dep jazdy Darhan Káletaev.
