ديپلوماتتار ۋكراينانىڭ سۋمى قالاسىندا وقىپ جٷرگەن قازاقستاندىق ستۋدەنتكە پانا تاپتى. بۇل اقپاراتتى قازاقستاننىڭ ۋكرايناداعى تٶتەنشە جەنە ٶكٸلەتتٸ ەلشٸسٸ دارحان كەلەتاەۆ تاراتتى, - دەپ حابارلايدى Tengrinews.kz تٸلشٸسٸ.
قاراعاندىلىق دەنيس تەرنوۆوي ەلٸ دە ۋكراينادا. بۇعان دەيٸن دارحان كەلەتاەۆ قازاقستاندىقتى ەۆاكۋاتسييالاۋ ٷشٸن بارلىق امال قاراستىرىلىپ جاتقانىن جەتكٸزگەن ەدٸ.
بٸرنەشە كٷن بۇرىن Telegram-داعى ارنالاردىڭ بٸرٸ قازاقستاندىق ستۋدەنت ۋكراينادان كەتۋدەن باس تارتقانىن جازدى. دەگەنمەن, دەنيس تەرنوۆوي بۇل اقپاراتتى جوققا شىعاردى. ول قازاقستان ەلشٸلٸگٸنٸڭ ۇسىنىسى بويىنشا حاركوۆقا ۋاقىتشا بارۋدى جوسپارلاعانىن ايتتى, بٸراق سول كٷنٸ جول بومبالانىپ, تراسسا جابىلعان.
بۇل جاعدايدا ەلشٸلٸك قازاقستاندىق ستۋدەنتتٸ جەرگٸلٸكتٸ تۇرعىندارعا تابىستاپ, ۋاقىتشا پانا تاۋىپ بەردٸ.
"جاقسى ادامداردىڭ قولىنا تابىستادىق", - دەپ جازدى دارحان كەلەتاەۆ.
