Senat tóraǵasy Máýlen Áshimbaev Resei men Ýkraina arasyndaǵy qaqtyǵys aimaǵyna Qazaqstannan bitimgerlik kúsh jiberý týraly suraqqa jaýap berdi, - dep habarlaidy Tengrinews.kz tilshisi.
Senat otyrysynda jýrnalister saýalyna jaýap bergen Áshibaev qaqtyǵys aimaǵy UQShU-ǵa múshe elder aýmaǵyna kirmeitinin aitty.
"Jalpy, bul jaǵdaida mynadai másele mańyzdy: Qazaqstan - Ujymdyq qaýipsizdik sharty uiymynyń (UQShU) múshesi. Osyǵan bailanysty suraq týyndaidy: qaqtyǵys aimaǵyna qazaqstandyq bitimgerler jiberilýi múmkin be? Munda bizdiń pozitsiia anyq. BUU jarǵysyna sáikes jáne basqa da qujattarǵa sáikes, Qazaqstan UQShU elderinen tysqary jerlerge bitimgerlerdi tek BUU mandatyna sáikes qana jibere alady. Ujymdyq qaýipsizdik týraly sharttyń jarǵysyna sáikes UQShU elderiniń bitimgershilik kúshteri, UQShU elderi aýmaǵynda ǵana áreket etedi. Qaqtyǵys aimaǵy uiymǵa qatysýshy elder aýmaǵyna kirmeidi. Sondyqtan osy sharttarǵa, ratifikatsiialanǵan kelisimderge sáikes UQShU sheńberindegi bitimgerlerdi qaqtyǵys aimaǵyna jiberýge quqyǵymyz joq", - dep túsindirdi Senat spikeri.
