Ýkrainada júrgen qazaqstandyqtar 20 qarasha kúni kórshi elge baryp daýys bere alady. Óitkeni Ýkrainada sailaý ýchaskesi ashylǵan joq. Bul týraly Qazaqstan Cyrtqy ister ministrliginiń resmi ókili Aibek Smadiiarov málimdedi, dep habarlaidy Sputnik Qazaqstan.
"Ýkrainadaǵy jaǵdaiǵa bailanysty biz osy joly sailaý ýchaskesin ashqan joqpyz. Eger azamattar qalasa, kórshi elge – Moldova, Polshaǵa baryp daýys bere alady. Biraq olar sol jaqqa baratynyn elshilikke kúni buryn eskertýi kerek. Sebebi biýlletender jetpei qalýy múmkin, aldyn ala daiyndap qoiý qajet", - dedi Smadiiarov apta saiynǵy brifingte.
Eske salsaq, Qazaqstanda kezekten tys Prezident sailaýy 20 qarashada ótedi. Sailaýǵa alty kandidat túsedi:
1. Qasym-Jomart Toqaev (Halyqtyq koalitsiia atynan);
2. Meiram Qajyken ( "Amanat" respýblikalyq kásipodaqtar birlestigi);
3. Jigýli Dairabaev ("Aýyl" partiiasy);
4. Qaraqat Ábden ("Kásibi áleýmettik jumysshylar ulttyq aliansy" respýblikalyq qoǵamdyq birlestigi);
5. Saltanat Tursynbekova ("Qazaq analary – dástúrge jol" respýblikalyq qoǵamdyq birlestigi);
6. Nurlan Áýesbaev (Jalpyhalyqtyq sotsial-demokratiialyq partiiasy).
Aita keteri, Konstitýtsiiaǵa engizilgen sońǵy ózgeristerge sáikes, Memleket basshysy jeti jylǵa jáne tek bir merzimge sailanady. Ortalyq sailaý komiteti usynǵan aqparatqa sáikes, sailaýda 11 million 950 myń 485 adam daýys bere alady.
Rezerv esebimen 12 million danadan astam daýys berý biýlleteni basyp shyǵaryldy. Biyl alǵash ret prezident sailaýynyń biýlletenine "Bárine qarsymyn" tarmaǵy qosylyp otyr.
