Básekelestikti qorǵaý jáne damytý agenttigi Ýkrainadaǵy oqiǵalarǵa bailanysty Qazaqstandaǵy biznes ókilderine úndeý jasady, - dep habarlaidy Tengrinews.kz.
Kórshi elderdegi tótenshe jaǵdailar kezinde vedomstvo Qazaqstannyń negizgi naryqtaryndaǵy jaǵdaidy muqiiat qadaǵalap otyratyny aitylǵan. Áńgime áleýmettik mańyzy bar ónimder, janar-jaǵarmai, gaz, kómir, dári-dármekter, qurylys materialdary jáne basqa da taýarlar baǵasynyń qubylýy týraly bolyp otyr.
"Agenttik biznesti dúrlikpeýge jáne baǵalyq sóz bailasýdy belgileý jáne qoldaý, taýarlardy óndirýdi ne ótkizýdi negizsiz shekteý, sondai-aq monopoliialyq jaǵdaidy teris paidalaný derekteri Ákimshilik quqyq buzýshylyq týraly kodekstiń 159-baby boiynsha saralanatynyn eskertedi", - delingen habarlamada.
