Qazaqstan Ýkrainadaǵy azamattaryn repatriatsiia reisi arqyly elge jetkizbek. Bul týraly Qazaqstannyń Ýkrainadaǵy Elshiligi telegram kanalynda habarlady.
«2022 jyldyń 25-26 aqpanynda «Air Astana» áýe kompaniiasy Qazaqstannyń azamattary úshin repatriatsiia reisin júzege asyrýdy josparlaýda.
Atalǵan reis Katovitse qalasynan (Polsha) júzege asyrylady. Qazaqstan azamattary úshin Ýkraina-Polsha shekarasynan áýejaiǵa deiin vizasyz «jasyl dáliz» qamtamasyz etiledi.
Azamattardan múmkindiginshe erteń Lvov qalasyna kelýlerin suraimyz. Qabyldaý pýnkti - Zamknena kóshesi, 3/1 mekenjaiy boiynsha Qazaqstan Respýblikasynyń Qurmetti konsýldyǵy bolyp tabylady, tel. +38 (032) 240-36-70, +38 (067) 989-28-19
Qosymsha aqparat alý úshin «Air Astana» ókilderine kelesi telefondar arqyly habarlasyńyz: +38 (050) 051-11-17, +38 (050) 981-54-49» - delingen habarlamada.
