Ýkrainadan Polshaǵa qarai ótken 241 qazaqstandyq elge qaitýǵa daiyn. Shekarada qalǵandar úshin taǵy bir reis jiberiledi, dep habarlaidy QazAqparat QR Syrtqy ister ministrligine silteme jasap.
QR SIM baspasóz qyzmetiniń basshysy Erlan Jetibaevtyń habarlaýynsha, qazirgi ýaqytta Ýkraina-Polsha shekarasynan 241 adam ótti.
«Shekaradan barlyǵy 4 avtobýs ótti. Taǵy 99 adam shekarada tekserýdi kútip otyr. Repatriatsiialyq reis jasaityn ushaq búgin saǵat 10:00-de Atyraýdan ushyp shyqty. Katovitseden qaitatyn reis 15:30-ǵa josparlanǵan. Repatriatsiialyq reis saǵat 21:00-de janarmai quiý úshin Atyraýǵa tehnikalyq túrde qonady, al Almatyǵa saǵat 00:30-da keledi dep kútilýde. Bort 174 jolaýshyǵa arnalǵan, qalǵan jolaýshylar úshin, onyń ishinde shekarada kútip otyrǵandarǵa taǵy bir reis jiberiledi», - dedi Jetibaev.
Sonymen birge, júk kólikteri jaǵdaiy boiynsha: Harkov qalasynan Belgorod qalasyna qarai 8 aýyr júk kóligi Ýkraina-Resei shekarasynan ótkeli tur.
Onyń ishinde 4 Qazaqstan azamaty, 8 Resei azamaty bar.
