ۋكراينادان پولشاعا قاراي ٶتكەن 241 قازاقستاندىق ەلگە قايتۋعا دايىن. شەكارادا قالعاندار ٷشٸن تاعى بٸر رەيس جٸبەرٸلەدٸ, دەپ حابارلايدى قازاقپارات قر سىرتقى ٸستەر مينيسترلٸگٸنە سٸلتەمە جاساپ.
قر سٸم باسپاسٶز قىزمەتٸنٸڭ باسشىسى ەرلان جەتٸباەۆتىڭ حابارلاۋىنشا, قازٸرگٸ ۋاقىتتا ۋكراينا-پولشا شەكاراسىنان 241 ادام ٶتتٸ.
«شەكارادان بارلىعى 4 اۆتوبۋس ٶتتٸ. تاعى 99 ادام شەكارادا تەكسەرۋدٸ كٷتٸپ وتىر. رەپاترياتسييالىق رەيس جاسايتىن ۇشاق بٷگٸن ساعات 10:00-دە اتىراۋدان ۇشىپ شىقتى. كاتوۆيتسەدەن قايتاتىن رەيس 15:30-عا جوسپارلانعان. رەپاترياتسييالىق رەيس ساعات 21:00-دە جانارماي قۇيۋ ٷشٸن اتىراۋعا تەحنيكالىق تٷردە قونادى, ال الماتىعا ساعات 00:30-دا كەلەدٸ دەپ كٷتٸلۋدە. بورت 174 جولاۋشىعا ارنالعان, قالعان جولاۋشىلار ٷشٸن, ونىڭ ٸشٸندە شەكارادا كٷتٸپ وتىرعاندارعا تاعى بٸر رەيس جٸبەرٸلەدٸ», - دەدٸ جەتٸباەۆ.
سونىمەن بٸرگە, جٷك كٶلٸكتەرٸ جاعدايى بويىنشا: حاركوۆ قالاسىنان بەلگورود قالاسىنا قاراي 8 اۋىر جٷك كٶلٸگٸ ۋكراينا-رەسەي شەكاراسىنان ٶتكەلٸ تۇر.
ونىڭ ٸشٸندە 4 قازاقستان ازاماتى, 8 رەسەي ازاماتى بار.
