Soǵys saldarynan baspanasynan aiyrylǵan 800 myńǵa jýyq ýkraindyq turǵyn úige muqtaj, dep habarlaidy Ulysmedia.kz Ýkrinformǵa silteme jasap.
Eldiń ýaqytsha okkýpatsiialanǵan aýmaqtardy qaita biriktirý jónindegi ministri Irina Vereshýktiń sózinshe, bilik bul máseleni múmkindiginshe qysqa merzimde sheshýge tyrysyp jatyr. Ministrlik modýldik turǵyn úi salýda. Dese de, Vereshýk mundai ýaqytsha turǵyn úi barlyq úisizderdiń qajettiligin qanaǵattandyrý úshin óte az ekenin aitty. Ol baspanasy joqtardyń kóbi modýldik qalashyqtarda turýǵa kelispei jatqanyn da atap ótti.
"Biylǵy jyly turǵyn úi jetkilikti kólemde salynbaitynyn ashyq aitý kerek. Adamdardyń kóshi-qony jalǵasa beretinin, jylytý maýsymynda qiyndyq kóp bolatynyn da moiyndaǵan jón. Biraq biz, turǵyn úi qurylysyn, jóndeý jumystaryn, qazandyqtardy aýystyrýdy toqtatpaimyz. Kóship kelgen adamdardyń qaida turatynyna, qalai qystaitynyna jaýaptymyz", - dep atap ótti ministr.
Ol kúzgi kezeńde taǵy jarty millionǵa jýyq adam shyǵystan batysqa kóshetinin, bul buryn ketkenderge qosymsha júkteme bolady dep atap ótti.
