سوعىس سالدارىنان باسپاناسىنان ايىرىلعان 800 مىڭعا جۋىق ۋكرايندىق تۇرعىن ٷيگە مۇقتاج, دەپ حابارلايدى Ulysmedia.kz ۋكرينفورمعا سٸلتەمە جاساپ.
ەلدٸڭ ۋاقىتشا وككۋپاتسييالانعان اۋماقتاردى قايتا بٸرٸكتٸرۋ جٶنٸندەگٸ مينيسترٸ يرينا ۆەرەششۋكتٸڭ سٶزٸنشە, بيلٸك بۇل مەسەلەنٸ مٷمكٸندٸگٸنشە قىسقا مەرزٸمدە شەشۋگە تىرىسىپ جاتىر. مينيسترلٸك مودۋلدٸك تۇرعىن ٷي سالۋدا. دەسە دە, ۆەرەششۋك مۇنداي ۋاقىتشا تۇرعىن ٷي بارلىق ٷيسٸزدەردٸڭ قاجەتتٸلٸگٸن قاناعاتتاندىرۋ ٷشٸن ٶتە از ەكەنٸن ايتتى. ول باسپاناسى جوقتاردىڭ كٶبٸ مودۋلدٸك قالاشىقتاردا تۇرۋعا كەلٸسپەي جاتقانىن دا اتاپ ٶتتٸ.
"بيىلعى جىلى تۇرعىن ٷي جەتكٸلٸكتٸ كٶلەمدە سالىنبايتىنىن اشىق ايتۋ كەرەك. ادامداردىڭ كٶشٸ-قونى جالعاسا بەرەتٸنٸن, جىلىتۋ ماۋسىمىندا قيىندىق كٶپ بولاتىنىن دا مويىنداعان جٶن. بٸراق بٸز, تۇرعىن ٷي قۇرىلىسىن, جٶندەۋ جۇمىستارىن, قازاندىقتاردى اۋىستىرۋدى توقتاتپايمىز. كٶشٸپ كەلگەن ادامداردىڭ قايدا تۇراتىنىنا, قالاي قىستايتىنىنا جاۋاپتىمىز", - دەپ اتاپ ٶتتٸ مينيستر.
ول كٷزگٸ كەزەڭدە تاعى جارتى ميلليونعا جۋىق ادام شىعىستان باتىسقا كٶشەتٸنٸن, بۇل بۇرىن كەتكەندەرگە قوسىمشا جٷكتەمە بولادى دەپ اتاپ ٶتتٸ.
