Ýkrainada koronavirýs juqtyrý sany boiynsha jańa antirekord tirkeldi. Sońǵy táýlikte elde virýs juqtyrýdyń 18 myńnan astam oqiǵasy tirkeldi. Taǵy 326 patsient qaitys boldy. Bul týraly Euronews habarlady.
«Qyzyl» aimaqta 11 óńir tur, sonyń arasynda Kiev qalasy da bar. 4 naýryzda Ýkraina biligi elde pandemiianyń úshinshi tolqyny bastalǵanyn jariialady.
Aýrýhanalardaǵy jaǵdai kúrdeli, meditsina qyzmetkerleri statsionarlyq em qabyldaýǵa muqtaj adamdardyń sany qańtar aiynan beri tórt ese kóbeigenin aitýda. Sońǵy eki aptada aýrýhanaǵa jatqyzylǵan adamdardyń sany kúrt ósken.
Pandemiia bastalǵaly, Ýkrainada infektsiia juqtyrǵan 31 myń adam qaitys boldy. Jappai vaktsinalaý naýqany munda bir ai buryn bastalǵan. Ekpeni 174 myń ýkrainalyq azamat saldyrtty, olardyń kóbi vaktsinanyń tek bir dozasyn ǵana alǵan.
