Ýkrainada áli de Qazaqstan azamattary qalyp otyr. Bul jaiynda Premer-Ministrdiń orynbasary – Syrtqy ister ministri Muhtar Tileýberdi aitty, dep habarlaidy QazAqparat.
«Eń aldymen, Elshiligimiz Kievten Lvovqa qonys aýdardy. Ol evakýatsiialanǵan joq, jumysyn jalǵastyryp jatyr», - dedi vitse-premer Úkimet otyrysynan keiin BAQ ókilderiniń saýalyna orai.
Sonymen qatar ol Ýkrainanyń soǵys júrip jatqan óńirlerinde Qazaqstan azamattarynyń qalyp qoiǵanyn atap ótti.
«Soǵys is-qimyldary júrip jatqan eń qaýipti jerlerde, aýmaqta azamattarymyz áli de bar jáne olardy shyǵarý máselesi tur. Qazirgi ýaqytta gýmanitarlyq dázildiń ashylýyn kútip otyrmyz. Ol jaiynda ýkraindyq jáne reseilik tarap arasynda kelissóz júrgizilip jatyr. Múmkindik týǵan sátten-aq atalǵan gýmanitarlyq dáliz arqyly sol jaqta qalyp qoiǵan azamattarymyzdy evakýatsiialaimyz», - dedi Muhtar Tileýberdi.
