11 qyrkúiekte Ýkraina shyǵysynyń edáýir bóligi jaryqsyz qaldy. Kiev Resei áskeriniń Ýkraina energetika infraqurylymdaryna shabýyldaǵanyn, jaryqtyń sonyń saldarynan óshkenin málimdedi, dep habarlaidy Azattyq.
Jaryq pen sýǵa bailanysty qiyndyqtar Harkov, Sýmy, Poltava, Zaporoje jáne Dnepropetrovsk oblysynda baiqalǵan.
Ýkraina prezidenti Vladimir Zelenskii Reseidi "azamattyq infraqurylymdarǵa shabýyldap otyr" dep aiyptady.
Al, Harkov meri Igor Terehov Reseidiń qaladaǵy jylý elektr stantsiiasyn atqylaǵanyn aitty. Bul stantsiia Ýkrainada aýmaǵy boiynsha ekinshi oryn alady.
Harkov oblysynyń gýbernatory Oleg Sinegýbov birneshe eldimekende jaryq pen sý toqtaǵanyn málimdedi. Sýmy oblysynyń basshysy jaryq pen sýdyń óshýi kemi 125 eldimekenge ziian tigizgenin aitty.
Jaryq pen sýdyń jappai óshýi Ýkrainanyń shyǵystaǵy okkýpatsiialanǵan aýmaqtarda Reseige qarsy qarymta shabýylyn údetýine tuspa-tus keldi. Osy aida bastalǵan qarymta shabýyldyń nátijesinde Ýkraina shyǵysynda Resei basyp alǵan birneshe qala men eldimekendi azat etip úlgerdi.
