Ýkrainanyń memlekettik kóshi-qon qyzmeti Odessa oblysynyń burynǵy basshysy Mihail Saakashvilige bosqyn mártebesin berýden bas tartty. Bul jaily jýrnalisterge Ýkrainanyń bas prokýrory Iýrii Lýtsenko málim etti, dep habarlaidy QazAqparat Anadoly agenttigine silteme jasap. «Meniń jańalyǵym bar.
Qazir memlekettik kóshi-qon qyzmeti Saakashvilige bosqyn mártebesin berýden bas tartty. Endi ol apatrid (turatyn elinde azamattyǵy joq tulǵa - red.) jáne onyń deportatsiiasyna múmkindik bermeitin jaǵdai joq», - dedi Lýtsenko.
Saakashvili 2015 jyldyń 30 mamyrynda Prezident Petr Poroshenkonyń ókimimen Ýkraina azamattyǵyn alǵan bolatyn. Ol Odessanyń gýbernatory qyzmetine taǵaiyndaldy, alaida 2016 jyly qyzmetinen ketip, «Jańa kúshter qozǵalysy» oppozitsiialyq partiiasyn qurdy.
2017 jyldyń shilde aiynda Poroshenko Saakashvilidi Ýkraina azamattyǵynan aiyrý týraly jarlyq shyǵardy.
Qyrkúiek aiynda oppozitsiianyń qoldaýymen Saakashvili Ýkraina shekarasy arqyly pasporttyq baqylaýsyz Polshaǵa ótip kete aldy. Al onyń jaqtastary 17 qyrkúiek kúni Ýkraina Parlamentiniń aldynda narazylyq aktsiialaryn ótkizdi.
