ۋكراينانىڭ مەملەكەتتٸك كٶشٸ-قون قىزمەتٸ ودەسسا وبلىسىنىڭ بۇرىنعى باسشىسى ميحايل سااكاشۆيليگە بوسقىن مەرتەبەسٸن بەرۋدەن باس تارتتى. بۇل جايلى جۋرناليستەرگە ۋكراينانىڭ باس پروكۋرورى يۋريي لۋتسەنكو مەلٸم ەتتٸ, دەپ حابارلايدى قازاقپارات انادولى اگەنتتٸگٸنە سٸلتەمە جاساپ. «مەنٸڭ جاڭالىعىم بار.
قازٸر مەملەكەتتٸك كٶشٸ-قون قىزمەتٸ سااكاشۆيليگە بوسقىن مەرتەبەسٸن بەرۋدەن باس تارتتى. ەندٸ ول اپاتريد (تۇراتىن ەلٸندە ازاماتتىعى جوق تۇلعا - رەد.) جەنە ونىڭ دەپورتاتسيياسىنا مٷمكٸندٸك بەرمەيتٸن جاعداي جوق», - دەدٸ لۋتسەنكو.
سااكاشۆيلي 2015 جىلدىڭ 30 مامىرىندا پرەزيدەنت پەتر پوروشەنكونىڭ ٶكٸمٸمەن ۋكراينا ازاماتتىعىن العان بولاتىن. ول ودەسسانىڭ گۋبەرناتورى قىزمەتٸنە تاعايىندالدى, الايدا 2016 جىلى قىزمەتٸنەن كەتٸپ, «جاڭا كٷشتەر قوزعالىسى» وپپوزيتسييالىق پارتيياسىن قۇردى.
2017 جىلدىڭ شٸلدە ايىندا پوروشەنكو سااكاشۆيليدٸ ۋكراينا ازاماتتىعىنان ايىرۋ تۋرالى جارلىق شىعاردى.
قىركٷيەك ايىندا وپپوزيتسييانىڭ قولداۋىمەن سااكاشۆيلي ۋكراينا شەكاراسى ارقىلى پاسپورتتىق باقىلاۋسىز پولشاعا ٶتٸپ كەتە الدى. ال ونىڭ جاقتاستارى 17 قىركٷيەك كٷنٸ ۋكراينا پارلامەنتٸنٸڭ الدىندا نارازىلىق اكتسييالارىن ٶتكٸزدٸ.
