Ýkraina Reseidi astyq tasymaldaý týraly Stambýl kelisiminiń sharttaryn buzýǵa oqtaldy dep aiyptady, dep habarlaidy Azattyq.
Senbi kúni Ýkrainanyń "Ońtústik" jedel basqarmasy Resei kúshteriniń Odessa porty aýmaǵyna zymyran soqqy jasaǵanyn habarlaǵan.
Shabýylǵa qatysty pikirin aitqan Ýkraina syrtqy ister ministrliginiń ókili Oleg Nikolenko Resei bir kún bolmai jatyp Stambýl kelisiminde jazylǵan sharttar men ýádelerdi oryndaýdan taiqi bastady dep málimdedi.
"Resei zymyrany - bul Vladimir Pýtinniń kelisimge qol jetkizýge orasan kóp kúsh-jigerin jumsaǵan BUU bas hatshysy Antoniý Gýterresh pen Túrkiia basshysy Rejep Erdoǵannyń betine túkirgeni" dedi ol Feisbýkta.
"Ońtústik" basqarmasynyń málimetinshe, senbi kúni Resei armiiasy "Kalibr" qanatty zymyranymen Odessaǵa soqqy jasaǵan.
"Eki zymyrandy áýe qorǵanysy atyp túsirdi, eki zymyran porttyń infraqurylym nysanyna tústi" dep jazylǵan habarlamada.
Odessa portyndaǵy jarylys pen órt jaily jergilikti Telegram arnalary da habarlady. Halyq depýtaty Aleksei Goncharov qalada áýe shaiqasy bolǵanyn aitty. "Nemis tolqyny" saitynyń jazýynsha, osyǵan deiin Odessada dabyl qońyraýy oinaǵan.
Resei basshylyǵy Odessa portyna soqqy men odan keiingi Ýkraina tarabynyń málimdemesine túsinikteme bermedi.
Resei basqynshylyǵy jalǵasyp jatqan tusta ýkrain astyǵy men ózge de aýyl sharýashylyq ónimderin Qara teńizdegi ýkrainalyq porttar arqyly tasymaldaý týraly kelisimge 22 shildede Stambýlda qol qoiylǵan. Ýkraina men Resei ókilderi kelisimniń oryndalýyna kepil BUU men Túrkiia ókilderimen jeke kelisim jasasqan.
Qujatqa sáikes, Qara teńizdegi úsh ýkrain porty: Odessa, Chernomorsk jáne Ońtústik porttaryna jol ashylýy tiis. Resei 24 aqpannan beri porttar jolyn jaýyp tastaǵan edi.
