ۋكراينا رەسەيدٸ استىق تاسىمالداۋ تۋرالى ستامبۋل كەلٸسٸمٸنٸڭ شارتتارىن بۇزۋعا وقتالدى دەپ ايىپتادى, دەپ حابارلايدى ازاتتىق.
سەنبٸ كٷنٸ ۋكراينانىڭ "وڭتٷستٸك" جەدەل باسقارماسى رەسەي كٷشتەرٸنٸڭ ودەسسا پورتى اۋماعىنا زىمىران سوققى جاساعانىن حابارلاعان.
شابۋىلعا قاتىستى پٸكٸرٸن ايتقان ۋكراينا سىرتقى ٸستەر مينيسترلٸگٸنٸڭ ٶكٸلٸ ولەگ نيكولەنكو رەسەي بٸر كٷن بولماي جاتىپ ستامبۋل كەلٸسٸمٸندە جازىلعان شارتتار مەن ۋەدەلەردٸ ورىنداۋدان تايقي باستادى دەپ مەلٸمدەدٸ.
"رەسەي زىمىرانى - بۇل ۆلاديمير پۋتيننٸڭ كەلٸسٸمگە قول جەتكٸزۋگە وراسان كٶپ كٷش-جٸگەرٸن جۇمساعان بۇۇ باس حاتشىسى انتونيۋ گۋتەررەش پەن تٷركييا باسشىسى رەجەپ ەردوعاننىڭ بەتٸنە تٷكٸرگەنٸ" دەدٸ ول فەيسبۋكتا.
"وڭتٷستٸك" باسقارماسىنىڭ مەلٸمەتٸنشە, سەنبٸ كٷنٸ رەسەي ارميياسى "كاليبر" قاناتتى زىمىرانىمەن ودەسساعا سوققى جاساعان.
"ەكٸ زىمىراندى ەۋە قورعانىسى اتىپ تٷسٸردٸ, ەكٸ زىمىران پورتتىڭ ينفراقۇرىلىم نىسانىنا تٷستٸ" دەپ جازىلعان حابارلامادا.
ودەسسا پورتىنداعى جارىلىس پەن ٶرت جايلى جەرگٸلٸكتٸ تەلەگرام ارنالارى دا حابارلادى. حالىق دەپۋتاتى الەكسەي گونچاروۆ قالادا ەۋە شايقاسى بولعانىن ايتتى. "نەمٸس تولقىنى" سايتىنىڭ جازۋىنشا, وسىعان دەيٸن ودەسسادا دابىل قوڭىراۋى ويناعان.
رەسەي باسشىلىعى ودەسسا پورتىنا سوققى مەن ودان كەيٸنگٸ ۋكراينا تارابىنىڭ مەلٸمدەمەسٸنە تٷسٸنٸكتەمە بەرمەدٸ.
رەسەي باسقىنشىلىعى جالعاسىپ جاتقان تۇستا ۋكراين استىعى مەن ٶزگە دە اۋىل شارۋاشىلىق ٶنٸمدەرٸن قارا تەڭٸزدەگٸ ۋكراينالىق پورتتار ارقىلى تاسىمالداۋ تۋرالى كەلٸسٸمگە 22 شٸلدەدە ستامبۋلدا قول قويىلعان. ۋكراينا مەن رەسەي ٶكٸلدەرٸ كەلٸسٸمنٸڭ ورىندالۋىنا كەپٸل بۇۇ مەن تٷركييا ٶكٸلدەرٸمەن جەكە كەلٸسٸم جاساسقان.
قۇجاتقا سەيكەس, قارا تەڭٸزدەگٸ ٷش ۋكراين پورتى: ودەسسا, چەرنومورسك جەنە وڭتٷستٸك پورتتارىنا جول اشىلۋى تيٸس. رەسەي 24 اقپاننان بەرٸ پورتتار جولىن جاۋىپ تاستاعان ەدٸ.
